Ég er útskúfaður!

Að undanförnu hefur mikið verið rætt um markið sem Bjarni Guðjóns skoraði gegn Keflavík á miðvikudaginn og hef ég farið mikið í því. Ég veit líka að ég er ekki hlutlaus, ég er Keflvíkingur og ég var á leiknum og sá hvað gerðist. Ég tel mig líka hafa töluvert vit á fótbolta, ég hef fylgst með fótbolta frá því ég man eftir mér, ég hef starfað í mörg ár í kringum knattspyrnuna og auk þess hef ég verið að dæma í mörg ár. Þá er ég bara einlægur aðdáandi fótbolta sem ég lít á sem listgrein frekar en afþreyingu.

Eins og áður sagði þá hef ég látið mína skoðun í ljós og það að mér finnst stórlega brotið á Keflvíkingum í kringum þennan leik og þetta atvik. Ég skil ekki af hverju allir eru svona brjálaðir út í Keflvíkinga fyrir að verða reiðir þegar Skagamenn svindluðu í leiknum. Þetta svindl kostaði Keflvíkinga stig og það virðist engu skipta hjá sumum. Bjarni baðst afsökunar og þá á allt að vera í lagi! Þetta er eins og ég megi fara niður í bæ, berja mann til óbóta og brjóta gleraugun hans og ef hann fer eitthvað að kvarta þá biðst ég bara afsökunar og málið er búið.

Þó ég hafi látið mína skoðun í ljós, þá hef ég reynt að halda mér á mottunni og ekki verið að segja frá því sem ég veit en hefur ekki komið fram í fjölmiðlum. Samt tók blog.is sig til og lokaði á mig þannig að ekki var hægt að komast inn á síðuna mína frá fréttunum sem ég bloggaði við. Mér finnst þetta furðulegt sérstaklega þegar aðrar bloggfærslur fá að standa sem eru miklu grófari.

Ég nenni ekki að skrifa meira um þetta mál, er það ekki vegna þess að ég var lokaður út af blog.is, heldur frekar vegna þess að ég er búinn að koma mínum skoðunum á framfæri. Ég mun samt taka upp þráðinn ef eitthvað gerist meira í þessu máli. Vonandi hafa Keflvíkingar betur þar sem þeir eru að berjast fyrir heiðarlegri knattspyrnu.

Að lokum vil ég skella inn þræði og spyr ykkur, minnir þetta mark ykkur á eitthvað atvik sem mikið hefur verið fjallað um að undanförnu? Linkurinn

Aumkunarverðir feðgar.

Þeir voru ansi aumkunarverðir feðganir sem sátu saman og reyndu að ljúga að íslensku þjóðinni í Kastljósi í kvöld. Þeir eru búnir að vera á fullu í dag að reyna að verja óheiðarleikann sem þeir framkvæmdu í gær. Ég er búinn að sjá eða heyra viðtal við þá á stöð 2, í útvarpinu hjá fótbolta.net, í minni skoðun á X-inu, í Íslandi í dag og í Kastljósinu. Þetta minnti mig á kosningabaráttuna á meðan hún var sem hörðust fyrir síðustu kosningar. Þá voru frambjóðendur að reyna að telja þjóðinni trú um að þeir væru þeir ættu að stjórna landinu. Í dag eru feðgarnir búnir að vera reyna að telja þjóðinni trú um að þeir séu heiðarlegir.

En allir sem sáu leikinn sáu að Bjarni reyndi að skora, hann var ekkert pressaður eins og feðgarnir eru að reyna að telja öðrum trú um. Hann skoraði þetta óheiðarlega mark af yfirlögðu ráði. Og í kvöld fóru þeir feðgar á lægra plan þegar þeir drógu konu Bjarna inn í þetta og sögðu að hún hefði orðið fyrir árás frá Keflvíkingum. Þeir eru duglegir að koma með ásakanir og flestar þeirra eru þannig að erfitt er að afsanna þær. En ég held og vona að sem flestir sjá í gegnum þetta og sjá hvernig þessir menn eru, þetta eru ekki heiðarlegir menn, Guðjón hefur margsannað það og núna er Bjarni að sýna að hann hefur sama óheiðarlega-genið.

	Yfirlýsing frá Keflvíkingum
Ábyrgðarmaður færslu Tenging við þessa frétt hefur verið rofin vegna kvartana.

Góð grein.

Það birtist góð grein um leik ÍA og Keflavíkur á sport.is, grein er svona; 

Leikmaður 9. umferðar: Bjarni Guðjónsson

Við erum kannski ekki vanir því hér á sport.is að velja leikmann umferðarinnar í Landsbankadeild karla en eftir hamfarir Bjarna Guðjónssonar á Akranesi í leik ÍA og Keflavíkur var valið bara of auðvelt til þess að koma því ekki á framfæri.  Seinna mark hans í leiknum er sennilega með þeim umdeildustu í íslenskri knattspyrnusögu og eftir fjölda endursýninga, ummæla Guðjóns Þórðarsonar eftir leik og heigulshátt Bjarna að leik loknum skilur maður vel reiði Keflvíkinga í garð Bjarna.

Markið sem Bjarni skoraði kom eftir innkast sem ÍA fékk eftir að Keflavík sparkaði boltanum útaf vegna meiðsla leikmanns ÍA.  Í stað þess að kasta boltanum inná vallarhelming Keflvíkinga eða sparka honum útfyrir hliðarlínuna líkt og vaninn er hjá flestum bað Bjarni Guðjónsson um að fá boltann, lítur upp og sér hvar Ómar Jóhannsson markvörður liðsins er staðsettur og "sendir" boltann þéttingsfast yfir Ómar og í markið.  Undarleg vinnubrögð hjá leikmanni sem á að baki mörg ár í atvinnumennsku og hefur hingað til verið nokkuð ofarlega í áliti greinarhöfundar.  Í fyrstu virtist sem um slys væri að ræða en eftir fjölda endursýninga var erfitt að sannfærast ekki um að um viljaverk hafi verið að ræða hjá Bjarna.
Til þess að bæta gráu ofan á svart fyrir Ómar meiddist hann lítillega á höfði þegar hann rakst í stöngina við það að reyna að ná "sendingu" Bjarna til sín og þurfti heimsókn á spítala að halda eftir leikinn. 

Breitt yfir með lygum?
Ef ekki er búið að sýna Guðjóni Þórðarsyni markið aftur ætti hann að fá að sjá það áður en hann reynir að halda sig við sín orð í viðtali á Sýn eftir leik.  Þar sagði hann að það hefði verið greinilegt að Bjarni hafi verið undir pressu frá Baldri Sigurðssyni og þess vegna kinksað, þar með hafi boltinn endað í netinu en ekki fyrir aftan endalínu eins og hann átti að gera.  Guðjón gerði líklega lítið annað en að sannfæra hinn almenna áhorfanda um að um viljaverk hafi verið að ræða því á sjónvarpsmyndum sést það greinilega að ekki nokkur leikmaður beggja liða er nálægt Bjarna þegar hann "lætur vaða."  Guðjón var semsagt að reyna að verja son sinn með lygi sem auðvelt er að sanna.

Læti inni í klefa
Viðbrögð Bjarna eftir leik voru líka frekar skrýtin.  Eins er það skrýtið að Skagamenn skyldu ekki hafa gefið Keflvíkingum mark eins og hefur verið gert þegar svona mark er skorað, enda hefur hingað til verið keppst við að hafa fótboltann "Fair play"-íþrótt.  Bjarni hins vegar biðst afsökunar eftir markið, en þegar lokaflautið gellur hleypur Bjarni eins og stunginn grís inn í búningsklefa liðsins án þess svo mikið sem að þakka dómurum fyrir leikinn.  Heiðarlegur leikmaður hefði staðið eftir, beðist afsökunar og tekið í hönd leikmanna andstæðinganna og dómara, viðbrögð Bjarna voru viðbrögð leikmanns sem skammaðist sín en ætlaði að komast upp með það.

Keflvíkingar brjálaðir
Leikmenn Keflavíkur, aðallega varamenn og Guðmundur Steinarsson í broddi fylkingar, urðu æfir þegar þeir horfðu á eftir Bjarna hlaupa inn í klefa.  Samkvæmt heimildum urðu þó engin slagsmál inni á leikmannaganginum á Akranesi en ýmis ljót ókvæðisorð voru hrópuð í átt að Bjarna Guðjónssyni af hálfu leikmanna Keflvíkinga, þeirra á meðal Bjarka Guðmundssonar sem áður lék með ÍA.  Kannski ekki alveg rétt viðbrögð hjá Keflvíkingum en eðlilega urðu þeir pirraðir í garð Bjarna fyrir þessa framkomu, eins og markið hafi ekki verið nóg.

Hvað gerist í Keflavík?
Þessi lið mætast aftur í lokaumferðinni í Keflavík og geta þeir feðgar Guðjón og Bjarni seint búist við rauðum dregli og skrúðgöngu við komuna til Keflavíkur.  Örfá ár eru síðan Guðjón skyldi Keflvíkinga eftir án þjálfara nokkrum vikum fyrir fyrsta leik í deildinni, þá var Kristján Guðmundsson, núverandi þjálfari Keflvíkinga, aðstoðarmaður Guðjóns en var ráðinn í hans stað og hefur haldið stöðunni síðan.  
Nú þegar hafa spunnist miklar deilur á spjallvefjum netsins um markið og heiðarleika Bjarna Guðjónssonar og fátt annað hægt að gera en að hafa sína skoðun á málinu.  Svo virðist þó sem nákvæmlega ekkert sé hægt að gera í þessu máli.  Hugsanlega hefði það verið mögulegt að gefa Bjarna kannski gult spjald fyrir óíþróttamannslega framkomu í leiknum en það er ekki víst.  Ekki er hægt að sekta Skagamenn fyrir þetta og eftir stendur að þeir fengu þrjú stig eftir þennan leik og eru nú í fínum málum í deildinni. 

Róbert Jóhannsson

Af hverju lögreglufylgd?

Af hverju kölluðu óskuðu Skagamenn eftir lögreglufylgd fyrir Bjarna? Ég held að það hafi verið vegna þess að Skagamenn eru að fullu að reyna að réttlæta óheiðarleika Bjarna í leiknum í gær. Það eru engu líkara en að Skagamenn hafa áróðursmeistara á sínum snærum eins og Hitler hafði á tímum Nasista svo öflugir eru þeir í að koma sínum málstað að og reyna að gera Keflvíkinga að vondu köllunum. Á stuðningsmannasíðu Keflavíkur er talað um umrætt atvik og þannig er því líst á síðunni;

"Nokkrir stuðningsmenn Keflavíkur biðu eftir leikmönnum Keflavíkur eftir leikinn og klöppuðu fyrir þeim og sýndu þeim stuðning í verki eins og sönnum stuðningsmönnum sæmir.   'I leiðinni ætluðum við að votta þeim Kidda Jak en þó aðallega Bjarna og kannski Gauja í pakkatilboði virðingu okkar.   Klöppuðum fyrir Kidda og sungum að við fíluðum Kidda Jakobs. Hressandi það. Svo var beðið eftir Bjarna til þess að baula á kallinn og sýna honum að við kunnum ekki að meta svona framkomu.   Þá mætir lögreglan á svæðið, leikmenn 'IA vildu ekki fara út fyrr en laganna verðir kæmu á svæðið.   En eins og hinn mikli snillingur í löggunni hann Siggi Donna og hans félagar sáu þá voru við ekki þarna til þess að vera með nein læti né dólgslæti, heldur einungis friðsamleg mótæli, og þegar þeim var komið á framfæri þá yfirgáfum við svæðið.  Þetta sáu allir sem voru á svæðinu, og fór mjög vel á með okkur og hinum ágætu lögregluþjónum.  Enda höfum við aldrei verið þekktir fyrir nein leiðindi hvað þá ofbeldi á knattspyrnuleikjum, og það mun heldur aldrei verða.   Fairplay og prúðmennska er okkar aðalsmerki,, en það hljóta allir að skilja að menn verða svekktir þegar á okkur er brotið svona að því liggur leik eftir leik.      En allt tal um "tryllta ofbeldismenn" vísa ég gjörsamlega til föðurhúsanna, með dass af hlátri með."

Þessi málflutningur er ekki að skapi Morgunblaðsins og fleiri fjölmiðla, sennilega vegna þess að hann er ekki eins krassandi og að leikmaður þurfi lögreglufylgd. Ég minni á stuðningsmenn Keflavíkur hafa verið þekktir fyrir skemmtileg tilþrif og heiðarlega framkomu og fengu nýlega verðlaun KSÍ fyrir að vera bestu stuðningsmennirnir á Íslandi.

Í fjölmiðlum eftir leikinn í gær er mikið talað um tryllta leikmenn Keflavíkur og framkomu þeirra eftir leikinn og samt eru bara sýndar myndir af leikmönnum Akranes hlaupa á fullu inn í vallarhúsið, af hverju var ekki talað um þá? og af hverju er ekki talað um einn af forsvarsmönnum Akranesbæjar sem veittist að leikmönnum Keflavíkur eftir leikinn þar sem hann var mjög ölvaður inn í vallarhúsinu,er það ekki vegna þess að sú umræða hæfir ekki áróðursmeistara ÍA?

Bjarni þurfti lögreglufylgd

Svartur blettur á fótboltanum.

Bjarni Guðjónsson sýndi í kvöld að hann er svartur blettur á fótboltanum, annar eins óheiðarleiki hefur ekki sést á fótboltavellinum síðan KR skoraði svipað mark á móti Fram fyrir mörgúm árum síðan og gaman að hugsa til þess að Guðjón Þórðarson var einmitt að þjálfa KR á þeim tíma og þótti markið bara gott og gilt. Ég veit núna um hvað þeir feðgar voru að tala yfir morgunverðinum í morgun, ég vona að þeir feðgar sofa vel í nótt, ég efast reyndar ekki um það þar sem þeir eru samviskulausir.

Skagamenn lögðu Keflvíkinga á dramatískan hátt

Af hverju eru stóru olíufélögin ekki ekki búin að hækka?

Ef Atlantsolía væri ekki á markaðinum þá væri bensínlítrinn örugglega kominn upp í 150 krónur og olíufélögin væru að væla í ríkinu í að lækka álögin á bensínlítranum. Mér finnst stórmerkilegt að minnsta olíufélagið stjórni bensínverðinu og það er staðreynd að það gerir það.

Stefnir í hækkun á bensíni

Uppreisn æra.

Það er aldeilis sem kisurnar mínar Snati og Gormur fá uppreisn æru. Ég hef alltaf haldið því fram að þeir væru íslenskir fjósakettir ættaðir úr Borgarfirðinum. En núna er komið í ljós að þeir eru ættaðir frá "frjósama hálfmánanum" við Miðjarðarhafið og ekki nóg með það heldur var verið að birtast frétt um ættmóðir Snata og Gorms í ekki ómerkilegri tímariti en vísindaritinu Science og á fréttavef BBC.

Aðals-kisurnar mínar, Snati og Gormur.

Heimiliskötturinn er upprunninn í Mið-Austurlöndum

Ég hrapa niður alla lista.

Vá hvað ég hrapa niður alla lista, núna er ég í 220 sæti yfir vinsælustu bloggara á blog.is. Fyrir örfáum vikum var ég í 20 sæti svo fallið er hátt. Reyndar finnst mér ótrúlegt að ég hafi komist á topp 20 listann og kenni ég vinnufélögum mínum um það. Ég er með um 50-200 heimsóknir á dag eftir því hvað ég er duglegur að bloggar og svo skyndilega einn daginn rauk ég upp í 1000 heimsóknir og næstu dagar fylgdu á eftir með 500-600 heimsóknir. Ég tel líklegast að einhver vinnufélagi minn og kannski heitir hann Gunnar, hafi skellt slóðanum á síðunni minni á b2.is eða humor.is eða einhverja slíka síðu. Ég varð að minnsta kosti óvenju vinsæll í nokkra daga.

Það er síðan annað og verra, ég er að hríðfalla í draumadeildinni og ólíkt blog.is þá snýst sá listi um hæfileika á að velja réttu leikmennina í fótbolta. Þannig er leikurinn að fyrir hverja umferð í fótboltanum þá vel ég þá 11 leikmenn sem ég tel líklegast að eigi eftir að slá í gegn í umferðinni og fæ síðan stig eftir frammistöðu þessara 11 leikmanna. Eftir sex umferðir sat ég í sjöunda sætinu og var nokkuð sáttur við, enda ágætt að vera númer 7 af sexþúsund og eitthvað. í sjöundu umferðinni féll ég í átjánda sætið og í síðustu umferð féll ég í 31 sætið.  Ástæðan fyrir fáum stigum í síðustu umferð er hinn óvænti sigur KR, núna þýðir ekkert annað en að leggja hausinn í bleyti og hala inn stigum og komast aftur á topp 10. Ef einhver veit um leikmann sem á eftir að hala inn mörg stig í næstu umferð þá má hann benda mér á hann.

Maður vikunnar. -blog.is

Maður vikunnar að þessu sinni er blog.is og það fær heiðurinn vegna þess að þeir lokuðu vinsælli síðu sem var uppfull af fordómu og ljótleika. Maðurinn sem hélt henni út er með athyglissýki á háu stigi og notaði blog.is til að vekja athygli á sjálfum sér á kotnað annarra. Flottur leikur hjá blog.is.

Maður vikunnar: blog.is

Er þetta ekki gott dæmi um...

Er þetta ekki gott dæmi um þar sem lögreglan eigi að gera bifhjólið upptækt. Þar sem lögreglan hefur heimild til að gera ökutæki upptæk þegar ökumenn þeirra gerist sekur um stórfelldan níðingsakstur. Ég veit að margir eru ósáttir við þessi lög og telja þau brot á fullt af lögum, en þar sem lögin er til þá finnst mér að það eigi að nota þau.

Smá tips frá mér til lögreglunnnar, nýtið ykkur refsirammann.

Reyndi að stinga lögreglu af