Bloggfærslur mánaðarins, september 2007

Íslandsmótið búið.

boltamyndÞá er Íslandsmótinu í fótbolta lokið og lauk því með smá fjöri, þar sem Valsmenn nánast stálu titlinum af FH-ingum á lokasprettinum. Er ég töluvert sáttur við það enda ekki gaman þegar sama liðið verður meistari ár eftir ár, þetta var farið að líkjast norsku knattspyrnunni þar sem Rosenborg unnu alltaf og það var farið að segja frá því í Noregi að það eina sem gæti komið í veg fyrir að Rosenborg verði meistari er að þeir myndu ráða Teit Þórðarson sem þjálfara. Eftir að hafa fylgst með sumrinu þá gerir maður sér grein fyrir því að hinn lélegi árangur KR í fyrra var engin tilviljun.

Fallbaráttan var æsispennandi og kom það í hlut Víkinga að falla og kemur mér það ekkert á óvart, þeir voru með langslakasta liðið í sumar, þeir hefðu kannski geta náð að bjarga sér ef þeir hefðu haft betri þjálfara. Fyrirfram voru HK menn líklegastir til að falla en þeir komu á óvart í sumar og sigldu lygnan sjó þó að þeir hafi aldrei náð að losna alveg við fallbaráttuna. Hvorki KR né Fram hefðu aldrei átt að vera í fallbaráttunni og ég held að eina ástæða þess að þeir voru þar séu slakir þjálfarar og það er gaman að segja frá því að þjálfararnir voru bræðurnir Teitur og Ólafur Þórðarsynir.

Valsmenn urðu Íslandsmeistarar eftir að hafa fylgt FH-ingum allt sumarið og ég hreinlega hélt að FH yrðu Íslandsmeistarar þar til í síðustu umferðinni þar sem FH tapaði fyrir Val og skyndilega voru Valsmenn orðnir efstir.

Sumarið var erfitt fyrir mig sem stuðningsmann Keflavíkur. Við byrjuðum frábærlega, sýndu sannkallaðann sambabolta og það var gaman að fara á leiki og sjá liðið sitt spila frábærlega. Í byrjun júlí spiluðum við ÍA og þar sýndu þeir Skagamenn fáheyrðan óheiðarleika og ódrengskap sem flestir myndu skammast sín fyrir og unnu leikinn á mjög óíþróttamannslegan hátt. Það virðist sem mínir menn hafi brotnað niður við þetta, enda á heiðarlegt fólk oft erfitt með að lifa með óheiðarleika annarra og liðið var ekki svipur hjá sjón eftir þetta og liðið seig lægra og lægra í deildinni og endaði tímabilið í 6. sæti.

Það eru nokkrir áhugaverðir félagsskiptapunktar sem vert er að hugsa um eftir að Íslandsmótinu er lokið. Helgi Sigurðsson fór frá Fram til Vals til að vinna Íslandsmeistaratitil og varð hann að ósk sinni. Jóhann Þórhallsson falldraugur Íslands (Hermann Hreiðarsson er ekki meðtalinn) hefur fallið með Þór, KA og Grindavík og eftir að hann féll með Grindavík í fyrra þá fékk hann tilboð frá mörgum félögum, en hann valdi að fara til KR og af hverju? Hann vildi vinna titla. Jóhann sem hefur fallið með öllum félögum sem hann hefur spilað með nema KR náði næstum því að senda KR niður líka í sumar. Þá er líka umhugsunarvert af hverju Matthías Guðmundsson yfirgaf Val til að spila með FH, var það ekki til að vinna titla. Ef svo er þá vona ég að hann geri sér grein fyrir að grasið er ekki alltaf grænna hinum megin.

Síðan má hugsa um þá leikmenn sem FH hefur ekki haft not af og losað sig við. Þar skal fyrstan nefna Jónas Grana Garðarson sem hafið farið á kostum í sumar og tryggði sér gullskóinn fyrir að vera markahæsti leikmaður Íslandsmótsins, þetta var leikmaður sem FH gat ekki notað eins og Baldur Bett sem hefur farið á kostum með Val og Atli Viðar Björnsson sem hefur leikið við hvern sinn fingur með Fjölni. Á sama tíma hefur FH safnað að sér gömlum leikmönnum sem hafa ekki náð að sína neitt fyrir FH, leikmenn eins og Sigurvin og tvíburabræðurnir Arnar og Bjarki.


Flott hjá Keflavík, lélegt hjá RÚV.

Flottur sigur hjá Keflavík í dag og fyrsti titillinn í höfn í vetur.

Aftur á móti þá má RÚV, sjónvarp allra landsmanna skammast sín. En RÚV hætti við að sýna leikinn í beinni útsendingu þar sem þeir ákváðu að endursýna formúluna frá því í nótt í staðinn, en RÚV ákvað fyrir löngu að leikurinn yrði sýndur.

Á heimasíðu Keflavíkur er frétt um þetta.


mbl.is Keflavík sigraði Hauka með 15 stiga mun
Tilkynna um óviðeigandi tengingu við frétt

Kemur ekki á óvart.

Phil SpectorÞað hefði komið mér mjög á óvart ef Phil Spector hefði verið dæmdur sekur, ég get ekki skilið hvernig nokkur maður geti trúað því að maður með svona sakleysislegt andlit gæti framið morð!
mbl.is Réttarhöldin yfir Spector dæmd ómerk
Tilkynna um óviðeigandi tengingu við frétt

Húmorslausir Ástralar.

Það ótrúlegt hvað menn geta verið húmorslausir og ég sem hélt að Ástralar hefðu húmor í lagi. Reyndar eru einu Ástralarnir sem þekki búsettir í Ramsey-götu í Erinsborough, en það er húmor í þeim!


mbl.is Dýrkeyptur brandari barþjónsins
Tilkynna um óviðeigandi tengingu við frétt

Snati er saklaus.

Þar sem kötturinn á myndinni sem fylgir þessari frétt er nauðalíkur Snata, þá vil ég taka það fram að Snati kom ekkert nærri þessum slag. Hún svaf heima í rólegheitunum í alla nótt.


mbl.is Lögreglan stöðvar kattaslag um miðja nótt
Tilkynna um óviðeigandi tengingu við frétt

Framlag mitt til kvenréttindabaráttunnar.

skákborðÉg tefli oft á netinu á hinni ágætu síðu http://itsyourturn.com/ og hef oft hugsað um það af hverju reitirnir á skákborðinu heita allir karlkynsnöfnum, mér finnst það ósanngjarnt og legg til að nöfnunum verði breytt í kvenkynsnöfn. Ég legg til að nöfnunum verði breytt þannig Ari=Arna, Bjarni=Bríet, Ceres=Carmen, Daníel=Dagný, Einar=Eyrún, Finnur=Fanney, Gunnar=Guðrún og Hannes=Heiðrún. Ég legg til að hinn ágæti forseti Skáksambandsins Guðfríður Lilja taki þetta mál upp og breyti nöfnunum hið fyrsta.

Einn kunningi minn lagði til að gengið yrði lengra og reitirnir yrðu skýrðir eftir kvenskörungum, en þar sem þekking hans á kvenskörungum er takmörkuð þá lagði hann til að nöfnunum á reitunum yrði breytt í Ashley, Britney, Charlene, Dolly, Electra, Fiona, Gwyneth og Hilton. Ég þarf varla að taka það fram að ég er ekki sammála honum.


Maður vikunnar: Löggæslan.

Maður vikunnar að þessu sinni eru þeir aðilar sem stóðu að því að upplýsa fíkniefnamálið á Fáskrúðsfirði í vikunni og handtóku síðan höfuðpaurana í málinu. Það er Lögreglan og Landhelgisgæslan.

logreglan2   skjaldarmerki     landhelgisgæslan

Menn vikunnar.


Tveir þumlar upp fyrir Jóhönnu.

Frábært að Jóhanna ætlar að taka þetta mál að sér enda finnst mér þessi lög mikið óréttlæti gagnvart okkur sem eru svo óheppin að eiga börn sem greindust alvarlega veikt fyrir 1. janúar 2006. Ég vona bara að hinn ágæti þingmaður Pétur Blöndal verði ekki með í ráðum við breytingum á lögunum, enda barðist hann með kjafti og klóm gegn því að lögin væru afturvirk þannig að fjölskyldur þeirra barna sem greindust fyrir 1. janúar 2005 fengu ekkert. Helstu rök Péturs fyrir því að hafa lögin ekki afturvirk voru sú að með því myndi langveikum börnum fjölga mikið!

Þegar lögin voru sett á sínum tíma þá barðist Jóhanna einmitt mikið með þeim breytingum sem Umhyggja, félag til stuðnings langveikra barna lagði til. En hún hafði því miður ekki erindi sem erfiði, en núna er hún komin í stjórn og ætlar greinilega að taka til hendinni.


mbl.is Boðar frekari stuðning við fjölskyldur langveikra barna
Tilkynna um óviðeigandi tengingu við frétt

Ekki bloggleti.

Það er ekki bloggleti sem er ástæðan fyrir því að ég hef ekkert bloggað að undanförnu, heldur er það miklu frekar forgangsröðunin hjá mér. Huginn er búinn að vera í Rjóðrinu síðan á mánudag og ég hef reynt að nota tímann til að eyða með hinum fjölskyldumeðlimunum sem hafa þurft að sitja á hakanum, þar sem það fer svo mikil orka og tími í Hugin. Huginn kemur síðan heim á föstudaginn og þá mun lífið fara aftur í gamla farið. Annars er það að frétta að honum að hann er alltaf að sýna framfarir og ótrúlegt hvað hann er búinn að vera heilsuhraustur þrátt fyrir mikil veikindi. Þá er ég að meina að hann fær eiginlega engar pestir eða kvef.


Ferrari vann að ítölskum hætti.

Til hamingju Ferrari-menn. Það er alltaf gaman að vinna heimsmeistaratitla í dómssölum. En Það er að verða ítalskur siður að dómstólar krýna meistarana. Í fyrra urðu Inter Ítalíumeistarar í knattspyrnu eftir dómsmál og núna verður Ferrari heimsmeistarar eftir slíkt mál. Enn og aftur til hamingju Ferrari.


mbl.is Ferrari heimsmeistarar bílsmiða
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband