Bloggfærslur mánaðarins, júní 2007

Alvarlegt mál.

Mér finnst mjög alvarlegt mál að ökumaður skuli stinga af vettvangi eftir að hafa orðið valdur af umferðarslysi, hann athugar ekki einu sinni hvort einhver hefur slasast heldur keyrir bara brosandi í burtu í fína vörubílnum sínum.

Ég keyri oft flutningabíl og veit hvernig það er, ég gæti vel trúað að ástæðan fyrir árekstrinum í dag er hraðainnsiglið. Þannig er að stóri flutningabílar er með hraðainnsigli sem kemur í veg fyrir að bifreiðin komist hraðar en 90 kílómetra hraða. Ef maður er að keyra flutningabíl og lendir á eftir bíl sem keyrir á 70 þá er nánast ómögulegt að taka fram úr bílnum. Og ef maður reynir það þá er ansi oft að hinn ökumaðurinn gefur aðeins í og skapar stórhættu. Kannski eru þetta aðstæðurnar sem ökumaður vörubílsins lenti í, ég veit það ekki. En það réttlætir samt ekkert að stinga af slysavettvangi og sérstaklega ef það sé hugsanlegt að einhver hafi slasast.


mbl.is Árekstur á Vesturlandsvegi vegna ógætilegs framúraksturs
Tilkynna um óviðeigandi tengingu við frétt

Af umferðarmálum.

Að undanförnu hafa verið miklar umræður í þjóðfélaginu um umferðarmál og umferðaröryggi og ekki af ástæðulausu. Við erum alltaf að sjá betur og betur hvað afleiðingar af umferðarslysum geta verið skelfilegar, við erum líka alltaf að verða vitni af níðingsakstri ökumanna sem leggja aðra vegfarendur í stórhættu bara af því að þeim finnst það spennandi. Ég hef ákveðnar skoðanir á þessum málum og ætla aðeins að pústa þeim út hér.

Mikið hefur verið rætt um tvöföldun á Suðurlands og Vesturlandsvegi, en ljóst er að það er mjög dýrt og verður ekki gert og klárað á næstu árum. Margir hafa algt til að gerður verður svo kallaður 2+1 vegur vegna þess að það er mun ódýrari lausn. Þannig er það bara að ódýrustu lausnirnar eru oft dýrastar og ég get ekki séð þá gríðarlegu lausn og sparnað af því að gera 2+1 veg. Fyrir þá sem vilja fara ódýrustu leiðina þá veit ég um bestu lausnina og finnst mér ótrúlegt að enginn skuli vera búinn að reyna að koma henni á framfæri. Lausnin er að breyta þjóðvegi 1 í einstefnugötu. Þar með verða árekstrar bíla sem koma úr gagnstæðum áttum úr sögunni. Nei ég er ekki að leggja þetta til af alvöru heldur frekar til að sýna að ódýrasta lausnin er ekki sú ódýrasta. Með því að gera 2+1 veg þá finnst mér ekki verið að reyna að koma í veg fyrir mestu slysahættuna, nema að mjög litlu leyti.

g hef reynslu af Reykjanesbrautinni og mér finnst að fólk og yfirmenn umferðarmála eiga að skoða Reykjanesbrautina sem frábæra reynslu. Frá því að Reykjanesbrautin var gerð árið 1968 og þar til tvöföldunin var tekin í notkun fyrir 4 árum síðan lést einhver í umferðarslysi á brautinni á um 90 daga fresti. Síðan tvöföldunin var tekin í notkun hefur enginn látist í umferðarslysum á brautinni, er það tilviljun. Nei, það er ekki tilviljun. Þó að það sé frekar stuttur kafli sem er tvöfaldur þá stórdregur hann úr framúrakstri á allri brautinni. Það er bara þannig að þegar ég er að keyra brautina og lendi á eftir hægfara ökutæki á einfalda kaflanum þá bíð ég bara rólegur þar til ég kemst á tvöföldunina til að taka framúr ökutækinu. Þannig er það með flesta sem ég þekki, þeir eru þolinmóðir vegna þess að það er stutt í að hægt sé að taka framúr.

Þess vegna tel ég að lausnin á Suðurlands og Vesturlandsvegi sé að tvöfalda vegina þar sem aðstæður eru góðar. Til dæmis með því að leggja áherslu á að tvöfalda Suðurlandsveginn frá Rauðavatni að Hellisheiðinni og Vesturlandsveginn frá Mosfellsbæ að Hvalfjarðargöngunum. Síðar þegar fjármagn fæst til að tvöfalda vegina á milli Hveragerðis og Selfoss og frá göngunum að Borgarnesi. Þar með er búið að draga úr hættu á ótímabærum framúrakstri og búið að leysa umferðarmálin til frambúðar á umræddum köflum. Þetta finnst mér miklu viturlegra heldur að fara í einhverja bráðabirgðarlausn sem skilar litlum árangri miðað við kostnað.

Ég vil líka tala aðeins um þær hækkanir á umferðarsektum sem hafa verið gerðar að undanförnu. Ég er sammála um að hækka þurfti sektir fyrir níðingsakstur og stórfelld umferðarlagabrot. En ég er mjög ósáttur við að lægstu sektirnar séu stórhækkaðar líka og ekki bara það heldur er núna hægt að sekta ökumenn fyrir að keyra 6 kílómetrum yfir hámarkshraða í stað 11 kílómetra áður. Það vita það allir að fólk getur gleymt sér við aksturinn og að ökumenn þurfi að punga út tugum þúsunda króna fyrir smá yfirsjón finnst mér ekki sanngjarnt, mér finnst eins og þessi löggjöf sé til að fjölga afbrotamönnum á Íslandi og til að lækka hámarkshraðann niður fyrir hámarkshraða. Þá er ég að meina að þar sem hámarkshraði er 90 þá er betra fyrir ökumenn að keyra á 80 vegna þess að ef þeir gleyma sér þá er voðinn vís og tugir þúsunda farnir út um gluggann. Ég legg til að ekki verði hægt að sekta ökumenn fyrr en þeir eru komnir 11 kílómetra yfir löglegan hraða og háar peningasektir verða ekki fyrr en ökumenn eru komnir 20-30 kílómetra yfir hámarkshraða. Mér finnst nefnilega að það eigi að leggja áherslu á að útrýma níðingsakstri úr umferðinni, en ekki að ráðast á þá ökumenn sem eiga það til að gleyma sér aðeins á bensíngjöfinni.


Vægir dómar á Íslandi.

Það er oft verið að tala um væga dóma í nauðgunarmálum á Íslandi sem er að mörgu leyti rétt, en að öðru leyti er það ekki rétt að dómar í nauðgunarmálum séu vægir. Eitthvað yrði sagt ef saksóknari á Íslandi myndi semja svona. Þú viðurkennir að hafa sýnt konum kynferðislega áreitni og losnar við ákæru um nauðgun. Ég efast um fórnarlömbin hafi fengið að ráða einhverju í þessari "sátt".


mbl.is Fallið frá nauðgunarákæru á hendur forseta Ísraels
Tilkynna um óviðeigandi tengingu við frétt

Heimska!

Real Madrid rekur Capello fyrir að verða bara Spánarmeistari með liðið! Er þetta í annað sinn sem Capello er rekinn frá Madrid þrátt fyrir að ná góðum árangri með félagið. Ég spái að Madrid eigi eftir að "floppa" á næsta ári og sennilega þar næsta ári og Madrid mun ráða Capello aftur til að vinna titla.

Síðan er bara spurning hvort Capello sé tilbúinn að taka við íslenska landsliðinu?


mbl.is Capello fær að taka poka sinn
Tilkynna um óviðeigandi tengingu við frétt

Hið besta mál.

Flott að Sniglarnir sýna það svona að níðingsakstur sé eitthvað sem líðst ekki. Þeir gefa gott fordæmi með þessu. Tveir þumlar upp fyrir Sniglunum.


mbl.is Fyrrum formanni Sniglanna vikið úr samtökunum
Tilkynna um óviðeigandi tengingu við frétt

Breytingar hjá NATO?

Ég sem hélt að NATO gerðu ekki mistök, en alltaf heyri ég eitthvað nýtt. Það hefði nú verið stórfurðulegt ef NATO hefðu ekki viðurkennd þessi mistök þar sem 90 saklausir borgarar hafa dáið af völdum hermanna NATO á undanförnum dögum. Það sem af er þessu ári hafa fleiri saklausir borgarar dáið í Afganistan af völdum hermanna NATO en af völdum uppreisnarmanna.


mbl.is NATO viðurkennir mistök í Afganistan
Tilkynna um óviðeigandi tengingu við frétt

Sjónvarpsdagskráin.

Hér sit ég heima á laugardagskvöldi og glápi á sjónvarpið eins og önnur laugardagskvöld undanfarna mánuði. Ég á nefnilega ekki hægt um vik að komast frá heimilinu vegna Hugins Heiðars sonar míns, en hann er langveikur og við hjónakornin þurfum að sitja yfir honum 24 tíma á dag 7 daga vikunnar og höfum ekki fengið neina aðstoð frá kerfinu til að létta okkur aðeins lífið, eins og til dæmis að við gætum komist í bíó eða göngutúr. En það stendur allt til bóta og er núna komin töluverð hreyfing á okkar mál, enda ekki seinna vænna eftir 6 mánaðar baráttu.

Aftur að sjónvarpsdagskránni. Ég er farinn að hallast að því að sjónvarpsstöðvarnar séu komnar í kapp í að vera með lélegustu sjónvarpsdagskránna um helgar og það má ekki á milli sjá hver er sigurvegarinn. Stöð 2 er til dæmis með einn leiðinlegasta raunveruleikaþátt sem gerður hefur verið á dagskrá hjá sér á besta tíma bæði á föstudags og laugardagskvöldum. Síðan eru endurteknir þættir eins og Stelpurnar, ágætis þættir en þeir eru endursýndir og myndu kannski hæfa betur eftir miðnætti á miðvikudögum. Ríkissjónvarpið eru með miðlungsframhaldsþætti og síðan einhverjar gamlar og þreyttar bíómyndir. Sama saga er með Sirkus og Skjá Einn, reyndar tel ég mig ekkert geta kvartað yfir dagskrá Skjás Eins þar sem ég borga ekkert fyrir dagskránni, nema kannski með hærra vöruverði hjá kostendum þáttanna.

En mikið vildi ég að það væri til sjónvarpsstöð sem ég gæti stillt á snemma á kvöldi og horft á þar til kominn er tími til að fara að sofa. En þangað til að svoleiðis sjónvarpsstöð kemur þá stunda ég bara fjarstýringamaraþon á milli þess sem ég blogga um leiðinlega sjónvarpsstöðvar.


Maður vikunnar: -Íslenska kvennalandsliðið í fótbolta.

Maður vikunnar að þessu sinni er heill hópur af flottum stelpum, nefnilega íslenska landsliðið í fótbolta og eingöngu stelpurnar fá heiðurinn að þessu sinni. Þær gerðu sig lítið fyrir unnu Frakkana sem er eitt besta landslið í heimi um síðustu helgi og þær niðurlægðu síðana Serba á fimmtudagskvöld 5-0, en það er gaman að segja frá því að það eru sömu úrslit og hjá karlalandsliðinu í síðasta leik en munurinn er sá að þeir töpuðu og þær unnu.

kvennal

Maður vikunnar: Íslenska kvennalandsliðið í fótbolta.


..og ég sem hélt að ég hefði heyrt allt!

Ég segi nú bara greyið stelpan að þurfa að bera þetta nafn. En eins og mamma frk. Box sagði þá hafði foreldrar hennar sérkennilega kímnigáfu og greinilega að þessi stórgóða kímnigáfa gengst í erfðir. Því miður fyrir litlu stúlkunnar. Þegar ég heyri svona fréttir þá hugsar ég til hlýju til mannanafnanefndar.


mbl.is Heitir eftir 25 hnefaleikaköppum
Tilkynna um óviðeigandi tengingu við frétt

Frábært hjá Pam.

Núna lýsi ég eftir einhverjum íslenskum framtaksömum manni sem er tilbúinn að heiðra Ísland með því að stofna hóruhús í Tælandi eða Filippseyjum eða einhverju öðru fjarlægu landi og kalla það Iceland. Ég væri nú töluvert stoltari af landinu ef það héti sama nafni og hóruhús í fjarlægu landi.

..eða kannski væri það ekki heiður?


mbl.is Pamela Anderson ætlar að opna súlustaðakeðjuna „Lapland“
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband