Árið 2007 gert upp.

Ég vil óska öllum gleðilegs nýs árs og vona að næsta ár verður öllum gott. Farið varlega yfir áramótin og njótið þeirra í botn. Ég þakka öllum fyrir árið sem var að líða.

Að lokum ætla ég að setja inn smá uppgjör, þar sem árið 2007 er gert upp.

Hetja ársins: Engin spurning, það er Huginn Heiðar Guðmundsson og systkini hans.

Skip ársins: Grímseyjarferjan.

Súlustaður ársins: Viðey. 

Útihátíð ársins: "Ein með öllu" á Akureyri sem var bönnuð yngri en 23 ára.

Íslandsvinir ársins: Þeir sem ætluðu að mæta á klámráðstefnuna.

Mark ársins: Markið sem Marcus Allback gerði gegn Íslandi með dyggri aðstoð Ívars Ingimarssonar.

Sannleikur ársins: Þegar Breiðuvíkurmálið kom upp. 

Misnotkun ársins: Þegar femínistar misnotuðu jólasveininn til að koma vafasömum boðskap á framfæri. 

Innkaupaferð ársins: Þegar Erla Ósk Arnardóttir Lillendahl  skellti sér í innkaupaferð til New York.

Framkvæmdir ársins: Sólpallurinn hjá okkur.

Bruni ársins: Þegar bílafloti Ragnars Óskar Magnússonar brann í Vogum. 

Einvígi ársins: Barátta Paris Hilton og Britney Spears um fjölmiðlaathygli. Paris hafði mikla yfirburði til að byrja með, en Britney brustaði hana síðan með miklu yfirburðum seinni hluta ársins. 

Klámhundur ársins: Guðmundur í Byrginu. 

Heitasti ferðastaður ársins: Kenía, eftir að farið var að bjóða upp á kynlífsferðir fyrir konur þangað.

Þráhyggja ársins: Geir Ólafs að reyna að fá Nancy Sinatra til Íslands. 

Sjónvarpsþáttur ársins: Næturvaktin.

Minnisstæðasti dagur ársins: 6. janúar. Dagurinn sem Huginn dó og var lífgaður við. 

Einelti ársins: Þjóðhátíðarnefndin lagði Árna Johnsen í einelti og leyfði honum ekki að vera kynnir.

Viðskipti ársins: Þegar ég keypti Dodge-inn.

Lygi ársins: Þegar feðgarnir Bjarni og Guðjón Þórðarson reyndu að telja þjóðinni trú um að markið hjá Bjarna hafið verið óhapp.  

Brandari ársins: Saving Iceland. 

Klúður ársins: Sjálfstæðisflokkurinn í Reykjavík (klámráðstefnan, bjórkælirinn, spilakassamálið, REI og Orkuveitan og það má lengi halda áfram upptalningunni).

Stofnun ársins: Tryggingastofnun fyrir að senda okkur svona marga pakka. 

Smekkleysa ársins: Jólakort femínistafélagsins. 

Ekki stofnun ársins: Sjúkrahúsið í Keflavík fyrir ömulega þjónustu gagnvart Hugin Heiðari.

Andlát ársins: Hundurinn Lúkas.

Stjórnmálamaður ársins: Jóhanna Sigurðardóttir vegna baráttu hennar fyrir bættum kjörum langveikra barna.

Ráðning ársins: Þegar Peter Taylor var rekinn frá Crystal Palace og Neil Warnock ráðinn í hans stað. 

Skyndibiti ársins: 26 árið í röð, einn sveittur hjá Villa með öllu.  

Björgun ársins: Þegar Rósu hans Ómars var bjargað úr Hálslóni.

Pabbastrákur ársins: Þorsteinn Davíðsson þegar hann var ráðinn í Héraðsdóm Norðurlands Eystra. 

Heimasíða ársins: Heimasíðan hans Hugins Heiðars. 

Sigling ársins: Þegar Pólstjarnan kom til landsins. 

Kynþáttahatari ársins: Tinni. En bækurnar um Tinna voru bannaðar í nokkrum löndum þar sem hann var sakaður um kynþáttafordóma.

Sekt ársins: Þegar ég fékk umferðarsekt senda til mín eftir að ég hafði verið stoppaður 11 mánuðum áður fyrir meintan ólöglegan hraða. 

Viðgerð ársins: Þegar Benzinn minn fór í viðgerð vegna bilaðs startara og ég fékk hann til baka nýsprautaðann.

Lífsreynsla ársins: Þegar sjónvarpsfjarstýringin bilaði.

Barnsfaðernismál ársins: Mandy sú þýska fór í mál við 8 menn til að fá úr því skorið hver þeirra væri faðir barns hennar, hún svaf hjá þeim öllum sama kvöldið. 

Sveitarfélag ársins: Reykjanesbær, fyrir að vera svona fjölskylduvænn. 

Högg ársins: Þegar danska fótboltabullann sló dómarann.

Nefnd ársins: Barnaverndarnefnd fyrir að senda mér bréf um að ég sé hæfur faðir, eftir að ég hafði fengið ómaklega kæru fyrir vanrækslu frá hefndarfullum manni. 

Knattspyrnumaður ársins: Gunnar Gestur Geirmundsson fyrir ótrúlega knatttækni. 

Múgæsing ársins: Þegar ungur maður var sakaður um að myrða hundinn Lúkas. 

Blogg ársins: Þú ert að lesa það. 

Fall ársins: Kalli Bjarni.

Íslendingur ársins: Lucia Celeste Molina Sierra, tengdadóttir Jónínu Bjartmarz.

Starfsmaður ársins: Starfsfólk Barnaspítala Hringsins, eins og það leggur sig.

Maður ársins: Fjólan mín.

Athugasemdir

[Margrét Össurardóttir (IP-tala skráð) 30.12.2007 kl. 11:41]

hehehehe,,, góður og er ég sammála þér um hetju ársins, mann ársins ásamt fleiru. Reyndar eru svo margar hetjur þarna úti að maður bara koðnar niður við hlið þeirra. Hafðu það gott Mummi minn yfir nýárið.

[Ragnheiður , 30.12.2007 kl. 13:04]

Hehehehe já nú varstu góður...skemmti mér vel við að lesa þetta. Voru þeir að claima Benzann þinn ? Minn fékk 3 nýjar hurðir í sumar plús sprautun en það var ekki svona óvænt hehe

[Mummi Guð, 30.12.2007 kl. 13:43]

Þeir hjá Ræsi náðu að skemma bílinn þegar hann var í viðgerð svo þeir þurftu að laga bílinn og sprauta hann. Ég bloggaði um þetta.

[Guðsteinn Haukur Barkarson, 31.12.2007 kl. 01:02]

Flottur annáll Mummi! Og gleðilegt ár!

[Úlfar Þór Birgisson Aspar, 31.12.2007 kl. 12:37]

Gleðilegt ár  Mummi,ég mæti svo í tippfræðin hjá þér við fyrsta hentuleika.

[Huld S. Ringsted, 31.12.2007 kl. 15:56]

Gleðilegt nýtt ár Mummi og takk fyrir skemmtilega bloggvináttu á árinu sem er að líða. Megi nýja árið færa þér og þínum gæfu og gleði.

[Gyða Björk Jónsdóttir, 3.1.2008 kl. 00:46]

Ég brosti oft út í annað við þennan lestur 

Hef aðeins fylgst með bloggi sonar þíns.  Vona að hann og þið eigið gott ár framundan.