Framlag mitt til kvenréttindabaráttunnar.

Ég tefli oft á netinu á hinni ágætu síðu http://itsyourturn.com/ og hef oft hugsað um það af hverju reitirnir á skákborðinu heita allir karlkynsnöfnum, mér finnst það ósanngjarnt og legg til að nöfnunum verði breytt í kvenkynsnöfn. Ég legg til að nöfnunum verði breytt þannig Ari=Arna, Bjarni=Bríet, Ceres=Carmen, Daníel=Dagný, Einar=Eyrún, Finnur=Fanney, Gunnar=Guðrún og Hannes=Heiðrún. Ég legg til að hinn ágæti forseti Skáksambandsins Guðfríður Lilja taki þetta mál upp og breyti nöfnunum hið fyrsta.

Einn kunningi minn lagði til að gengið yrði lengra og reitirnir yrðu skýrðir eftir kvenskörungum, en þar sem þekking hans á kvenskörungum er takmörkuð þá lagði hann til að nöfnunum á reitunum yrði breytt í Ashley, Britney, Charlene, Dolly, Electra, Fiona, Gwyneth og Hilton. Ég þarf varla að taka það fram að ég er ekki sammála honum.

Athugasemdir

[Margrét Össurardóttir (IP-tala skráð) 23.9.2007 kl. 17:31]

Góð tillaga hjá þér.