Ég vil líka að sonur minn verði í landsliðinu.

Enn einu sinni reynir Guðjón að troða sonum sínum áfram, en þeir hafa ekki átt fast sæti í landsliðinu síðan hann var landsliðsþjálfari. Hann þarf að gera sér grein fyrir því að Bjarni er mjög óvinsæll leikmaður, sennilega óvinsælasti leikmaður Íslands í dag og það er eflaust stór ákvörðun af hverju hann er ekki valinn og svo líka að hann er bara ekki nógu góður þó að pabba hans finnist annað.

Ég hef séð nokkra leiki með ÍA og ég verð að segja að liðið spilar hundleiðinlegan fótbolta. Guðjón segir að ÍA spilar ekki leiðinlegri fótbolta en það að þeir hafa skorað 28 mörk og séu þriðja markahæsta liðið. Það vita það allir að það er ekki hægt að setja sama sem merki á milli skemmtilegan fótbolta og mörg mörk. Þannig er að ÍA spilar stífan varnarleik og gerir það vel, en beitir síðan skyndisóknum á einum eða tveim sóknarmönnum. Flest mörk ÍA koma eftir föst leikatriði, en þá er fleirum en tveim leikmönnum ÍA er hleypt fram. ÍA spilar árangursríkan fótbolta, en hundleiðinlegan.

Guðjón undrast að Bjarni sé ekki í landsliðshópnum

Athugasemdir

[Jahá (IP-tala skráð) 4.9.2007 kl. 13:18]

Þetta hljóta að vera vitlausustu skrif sem ég hef lesið, firringin og vitleysan eru með því meira sem ég hef séð að undanförnu

[Stefán (IP-tala skráð) 4.9.2007 kl. 13:39]

Ég og margir fleiri myndu alls ekki mæta á landsleiki ef að Bjarni Guðjónsson væri að leika þar. Hann er það óvinsæll leikmaður í dag.

Stefán

[Jóhann (IP-tala skráð) 4.9.2007 kl. 14:13]

Mér finnst þetta vera eðlileg og góð skrif. Þeir feðgar eru óheiðarlegustu menn sem hafa komið að fótbolta á Íslandi.

[Kjartan Pálmarsson, 4.9.2007 kl. 14:19]

Hvaða vitleysa er þetta!!! Þótt ég sé röndóttur í gegn og það í svart hvítu þá hef ég alltaf haft mikið álit á Bjarna sem knattspyrnumanni,þó svo að atvikið upp á Skaga hafi sett svartan díl á hans feril þá hélt ég að það mál væri frá og allt fallið í góðan jarðveg. Bjarna Guðjóns gæti alveg plummað sig í landsliðshópnum, enda reyndur í boltanum og gæti því miðlað einhverju og ekki veitir af.

Áfram KR

[Gunnar (IP-tala skráð) 4.9.2007 kl. 15:24]

Þetta er spurning hvort að það sé ekki rangt að verðlauna hann með landsliðssæti eftir svona óheiðarleika.

[Kalli Larsen (IP-tala skráð) 4.9.2007 kl. 15:39]

Held að þú ættir að snúa þér að öðru en að dæma um fótbolta vinur minn. Við erum að tala um mann sem að kom Ísland upp i 54 sæti á heimslistanum en núna erum við 3 lélegasta liðið í evrópu, og það versta er að synir hans vorú í þessu frábæra liði!! ÍA er líklega með einn þann allra slakasta mannskap í deildinni en eru samt að brillera, ef þeir mundu spila sókndjarfan bolta eins og þú myndir stilla liðinu upp vinur þá er ég ansi hræddur um að staðan væri önnur!! Gerðu þér grein fyrir mannskap og þá geturu ákveðið hvernig bolta þú spilar. Og talandi um óheiðarleika, eigum við þá ekki að strika alla keflvíkinga út af listanum um von á landsliðsæti??

[Mummi Guð, 4.9.2007 kl. 16:51]

Ég sagði aldrei að Guðjón væri slakur þjálfari, þvert á móti þá sagði ég að ÍA spilaði árangursríkan fótbolta og að þeir verðust vel. það er mín skoðun að Guðjón er besti þjálfari Íslands og ég hef haft þá skoðun lengi. Það er bara allt hitt sem ég þoli ekki í framkomu Guðjóns eins og hrokinn og frekjan. Það er bara staðreynd að Guðjón hefur náð frábærum árangri sem þjálfari. Hann gerði KA að Íslandsmeisturum sem er sennilega lélegasta lið sem hefur orðið íslandsmeistari og hann er sá þjálfari sem hefur náð bestum árangri með íslenska landsliðið. Þetta eru staðreyndir.

Það er samt aumkunarvert hvernig Guðjón reynir að troða sonum sínum áfram. Hann er ekki að gera Bjarna til góðs með enn einu pabbavælinu.

[Skagamanneskja (IP-tala skráð) 4.9.2007 kl. 19:54]

Ég segi það sama að þú ættir að spjalla um eitthvað annað en fótbolta vinur.Hefur greinilega ekki hundsvit á honum.

Guðjón er búin að koma IA aftrur á blað í íslenskri knattspyrnu og skal enginn efast um hans hæfileika sem þjálfara. Þessi skrif eru bara út í hött hjá þér vinur. Síðan er Bjarni einn sá besti miðvörður sem ísland hefur í dag og það er nóg til að réttlæta að hann eigi heima í landsliðinu. Ekki er nú hægt að vera með einhverjar vinsældar kosningar inn í landsliðið, ekki get ég nú séð að Eyjólfur sé mjög vinsæll sem þjálfari landsliðsins með slakasta árangur  sem hefur sést í langann tíma. Þegar Guðjón var þjálfari var hann með besta áragurinn með landsliðið en fólk er svo fljótt að gleyma!!!

'AFRAM 'IA:D
 

Skagamær:D 

[Mummi Guð, 4.9.2007 kl. 20:35]

Í fyrsta lagi kæra Skagamær þá leiðist mér afskaplega þegar fólk kemur með svona athugasemdir án þess að koma fram undir nafni. Oft hef ég hent svona athugasemdum, en ég hef aldrei hent athugasemdum þegar fólk skrifar undir nafni.

Ég skil ekki hvað þú ert að fara með því að segja að ég hafi ekki hundsvit á fótbolta, ef ég hef ekki hundsvit á fótbolta þá hefur þú það ekki heldur vegna þess að við erum alveg sammála í öllu nema einu. Það sem við erum ósammála um þá tel ég óvinsældir Bjarna og óheiðarleiki hans réttlæta það að hann sé ekki valinn í landsliðið.

Lestu yfir það sem ég skrifaði um Guðjón, er ég nokkursstaðar að efast um hæfileika hans sem þjálfara?

[Bjarni Þór Sigurbjörnsson (IP-tala skráð) 4.9.2007 kl. 23:51]

Þegar innlegg hefjast á orðum einsog: „Þú hefur greinilega ekki hundsvit á fótbolta!!“ er sjaldnast þess virði að lesa þau til enda.

En hvað varðar skrif bloggeigandans í byrjun: Er ekki landsliðið að spila nákvæmlega sama leiðindaboltann, eða ætti a.m.k. að vera að spila hann, s.s. gegn margfalt betri liðum eins og Spáni, Danmörku eða Svíþjóð? Þ.e stífan varnaleik með skyndisóknum og áherslum á föst leikatriði. Smellpassar BG þá ekki í liðið? 

[Mummi Guð, 5.9.2007 kl. 00:11]

Þetta er góður punktur hjá þér Bjarni hjá þér í sambandi við landsliðið. Ef Ísland ætlar að ná árangri þá þurfum við að spila meiri varnarleik en við höfum gert, ef vörnin sé góð þá þurfum við bara eitt mark til að vinna leikinn.

Varðandi innleggið frá Skagamærinni þá er þetta svona týpísk athugasemd frá nafnlausum aðila, er með leiðindi og rugl og svarar síðan ekki fyrir sig. Þetta kalla ég dónaskap og þetta er ástæðan fyrir því að ég hendi oft út leiðinlegum kommentum frá nafnlausum aðilum.