Menn vikunnar: -Vilhjálmur Vilhjálmsson og Bolur Bolsson aka Henry Birgir.

Að þessu sinni hljóta tveir menn titillinn menn vikunnar, enda er varla hægt að gera upp á milli þeirra. Það er annars vegar sósíalistinn Vilhjálmur Vilhjálmsson borgarstjóri og hins vegar Bolur Bolsson eða Henry Birgir fréttamaður á Fréttablaðinu.

Vilhjálmur fær heiðurinn fyrir að koma með enn eina óskiljanlega yfirlýsingu. Núna snýst hún um Vínbúðina í Austurstræti. Vilhjálmur finnst ÁTVR veita alltof góða þjónustu og hann vill loka Vínbúðinni í Austurstræti svo fólk í miðbænum geti ekki keypt sér bjór í stykkjatali. Ég held að Vilhjálmur sé búinn að gleyma því að hann er líka borgarstjóri, en ekki bara stjórnarmaður hjá SÁÁ. Ef honum finnst vandamálið vera rónarnir í miðbænum þá þarf að leysa það mál á einhvern annan hátt en að loka ríkinu. Þetta er ekki fyrsta ruglið sem kemur frá Vilhjálmi og dettur mér tvö stór mál strax í hug, annars vegar þegar hann bannaði fólki að koma til Reykjavíkur að skemmta sér, sagðist ekki vilja fá svona fólk til borgarinnar. Hann fékk það í gegn að fólkið komst ekki til landsins, ég hefði haldið að hann myndi halda áfram að rannsaka hvern ferðalang sem kæmi til borgarinnar og myndi banna alla þá sem hann grunar um græsku að dveljast í borginni. En hann hefur ekki gert það. Hitt málið sem mér dettur í hug er Háspennu-málið, þar sem Háspenna fékk leyfi til að starfrækja spilasal í Mjóddinni, síðan fékk Vilhjálmur bakþanka og ákvað að banna salinn og það kostaði borgina á annað hundrað milljónir í bætur.

Bolur/Henry fá heiðurinn vegna barnaskapar þeirra á Moggablogginu.  Henry býr til ímyndaðann vin sem hann kallar Bol og bloggar eins og vitlaus maður til að verða vinsæll bloggari. Honum tekst að verða vinsæll eða réttara sagt hann fær margar heimsóknir og þar með telur Henry sig hafa sannað að Moggabloggið sé fáránlegt. Ég veit ekki hvað hann fékk út úr þessu en það skiptir ekki máli, hann er maður vikunnar hjá mér.

  

Menn vikunnar: Vilhjálmur Vilhjálmsson t.v. og Bolur Bolsson t.h.

Maður vikunnar: -Árni Johnsen.

Maður vikunnar að þessu sinni er Árni Johnsen. Titillinn fær hann fyrir að sýna þjóðinni enn einu sinni hvernig mann hann hefur að geyma. Ég hef alltaf haft mitt álit á honum sem ekki er mikið og fannst í raun skandall að Sjálfstæðisflokkurinn hafi viljað tefla honum fram aftur í alþingiskosningar þrátt fyrir að hafa haft sýnt það að hann sé ekki traustsins verður.

Í vikunni tók Árni sig til og sagði alþjóð hversu vondir menn væru í þjóðhátíðarnefnd Vestmannaeyja og að þeir væru að leggja hann í einelti. En þeir þjóðhátíðarnefnd svöruðu vel fyrir sig og sögðu meðal annars að Árni ætti ekki að reyna að gera sig að fórnarlambi og þeir trúa því að þetta upphlaup Árna væri tæknileg mistök.

Maður vikunnar: Árni Johnsen.

Maður vikunnar: -Lúkas.

Maður vikunnar að þessu sinni er hundurinn Lúkas. Lúkas er búinn að gera allt vitlaust á netinu og víðar. Fjölmiðlafárið byrjaði fljótlega eftir 17. júní, en þá bárust fréttir af því að ungir menn hefðu myrt hann á hrottalegan hátt. Ungur maður var nánast tekinn af lífi á netinu vegna morðsins og margir misstu sig í múgæsingunni sem varð í kringum þetta mál. Í síðustu viku reis Lúkas upp frá dauðum og nýtur lífssins í nágrenni Akureyrar. Núna standa málin þannig að morðinginn er búinn að fá uppreist æru og er búinn að kæra þá sem höfðu sig mest frammi þegar múgæsingin stóð sem hæst.

Maður vikunnar: Lúkas.

Maður vikunnar. -Þorsteinn Atli Georgsson.

Maður vikunnar að þessu sinni er vinnufélagi minn Þorsteinn Atli Georgsson. Heiðurinn fær Steini fyrir að vera ín fyrsta sinn í byrjunarliði Keflavíkur í alvöru leik. Steini átti ágætan leik og hélt út í allar 90 mínúturnar.

Maður vikunnar: Þorsteinn Atli lengst til hægri.

Maður vikunnar. -Guðjón Þórðarson.

Maður vikunnar er Guðjón Þórðarson. Hann sýndi það vel í vikunni að hann getur ekki bara stjórnað fótboltaliði og leikmönnum þess, heldur er hann mjög góður í að stjórna fréttamönnum og finnst lítið mál að semja spurningar fyrir þá svo hann geti svarað réttum spurningum. Heiðurinn fær hann líka fyrir skáldahæfileika sína, en hann sýndi það í vikunni hversu öflugt skáld hann er.

Maður vikunnar: Guðjón Þórðarson.

Maður vikunnar. -blog.is

Maður vikunnar að þessu sinni er blog.is og það fær heiðurinn vegna þess að þeir lokuðu vinsælli síðu sem var uppfull af fordómu og ljótleika. Maðurinn sem hélt henni út er með athyglissýki á háu stigi og notaði blog.is til að vekja athygli á sjálfum sér á kotnað annarra. Flottur leikur hjá blog.is.

Maður vikunnar: blog.is

Maður vikunnar: -Íslenska kvennalandsliðið í fótbolta.

Maður vikunnar að þessu sinni er heill hópur af flottum stelpum, nefnilega íslenska landsliðið í fótbolta og eingöngu stelpurnar fá heiðurinn að þessu sinni. Þær gerðu sig lítið fyrir unnu Frakkana sem er eitt besta landslið í heimi um síðustu helgi og þær niðurlægðu síðana Serba á fimmtudagskvöld 5-0, en það er gaman að segja frá því að það eru sömu úrslit og hjá karlalandsliðinu í síðasta leik en munurinn er sá að þeir töpuðu og þær unnu.

Maður vikunnar: Íslenska kvennalandsliðið í fótbolta.

Maður vikunnar. -Paris Hilton.

Það kemur örugglega fáum á óvart að maður vikunnar er Paris Hilton, konan sem er fræg fyrir að vera fræg. Paris var dæmt í 45 daga fangelsi fyrir ítrekaðan ölvunarakstur en dómurinn var síðan lækkaður í 23 daga fangelsi. Þegar Paris var búinn að vera 3 daga í fangelsi ákvað dómari að sleppa henni lausri af heilsufarsástæðum. Varð þá allt vitlaust í Ameríkunni og til að koma í veg fyrir óeirðir og annað Rodney King mál ákvað saksóknari að ná í Paris aftur og skella henni í steininn.

Reyndar er fólk núna að gera sér grein fyrir að kannski hafi verið rétt að sleppa henni af heilsufarsástæðum þar sem læknir hefur ítrekað þurft að fara í fangelsið til að skoða Paris, reyndar kemur fram í fréttinni að læknirinn sé lýtalæknir.

Maður vikunnar: Paris Hilton.

Maður vikunnar -Ívar Ingimarsson.

Maður vikunnar er nýr liður hjá mér og sá sem er fyrstur til að verða þess heiðurs aðnjótandi er Ívar Ingimarsson leikmaður Reading og íslenska landsliðsins. Hann fær heiðurinn fyrir fimmta mark Svíana í landsleiknum í vikunni þar sem Marcus Allback skoraði eftir ótrúlegan klaufaskap Ívars.

Maður vikunnar: Ívar Ingimarsson.