Þetta sýnir að Keflavík voru bestir í sumar!

Ekki amalegt fyrir Keflvíkinga að eiga besta leikmanninn, besta þjálfarann og bestu stuðningsmennina. Þetta sýnir bara að Keflvíkingar voru bestir í sumar. Það eina sem kom í veg fyrir að Keflvíkingar urðu ekki Íslandsmeistarar var Jóhannes Valgeirsson sem þorði ekki að dæma víti í lokaleik Keflavíkinga, ef hann hefði dæmt vítið þá væru við í Keflavík enn að fagna titlinum. Ég er samt ekkert sár yfir því að mínir menn skyldu lenda í öðru sæti, en þeir voru bara svo nálægt því að enda í því fyrsta. Það er líka gaman að segja frá því að Jóhannes var valinn besti dómarinn.

Ég horfði á Landsbankamörkin í sumar á Stöð2 sport og fannst þátturinn frábær, en ég var ekki sáttur við lokaþáttinn þar sem Tommi og Maggi höfðu sitt lokahóf. Þeir völdu Heimi Guðjónss besta þjálfarann og ástæðan FH urðu Íslandsmeistarar, þeir völdu Davíð Þór Viðarsson besta leikmanninn og af hverju, jú FH urðu Íslandsmeistarar og þeim fannst Davíð vera bestur FH-inganna, þeir sögðu meira að segja að ef Keflvíkingar hefðu orðið Íslandsmeistarar þá hefðu þeir valið Guðmund Steinarsson! Síðan þegar þeir áttu að velja besta dómarann, þá gátu þeir það ekki og völdu alla dómarana sem bestu dómarana. Mikið svakalega fóru mennirnir niður að mínu mati við þetta, það var eins og þeir gátu ekki tekið sjálfstæða ákvörðun.

Dóra María og Guðmundur best í sumar

Athugasemdir

[Gísli Sigurðsson, 19.10.2008 kl. 12:17]

Já Mummi, það er okkar vissa að Keflavík var með besta og skemmtilegasta liðið í sumar. En það sem varð okkur að falli var eins og þú segir kjarkleysi Jóhannesar þarna í síðasta leiknum og svo vil ég segja að vinstri bakvarðar staðan hafi verið veikur hlekkur í okkar liði. Það var einmitt þar sem við fengum á okkur síðustu mörkin á okkur í þessu Íslandsmóti. En samt sem áður er Brynjar mjög vaxandi leikmaður og á örugglega eftir að vaxa í þessari stöðu á komandi tímabilum.