Almunia á ekkert erindi í enska landsliðið.

Ég skil ekki þennan orðróm um að það ætti að velja Almunia í landsliðið á næsta ári þegar hann gæti orðið gjaldgengur með enska landsliðinu. Það er ekki að ástæðulausu að Spánverjar hafa aldrei séð ástæðu til að velja hann í spænska landsliðið. Hann er einfaldlega ekki í neinum landsliðsklassa.

Það er rétt sem Wenger segir að Almunia hafi ekki verið með neina ferilskrá þegar hann kom til Arsenal, en hann er bara að spila vegna þess að hann er skásti markmaðurinn hjá félaginu. Jens Lehman hefur haldið Almunia út úr hópnum á undanförnum árum, en eftir skelfileg mistök hvað eftir annað í haust neyddist Wenger að setja Almunia í liðið. Arsenal hefur verið að spila frábærlega að undanförnu og eru efstir í deildinni, en það segir ekki að markmaðurinn þeirra sé besti markmaðurinn í deildinni. Þetta er dálítið sem hefur einkennt íslenskan hugsunarhátt að velja alltaf markmanninn í besta íslenska liðinu í landsliðið. Tveir síðustu varamarkmenn Íslands hafa verið Kristján Finnbogason sem var í landsliðinu þegar KR var upp á sitt besta og síðan FH hafa verið í toppbaráttunni var Daði Lárusson valinn, en ég tel Daða vera einn slakasta markmanninn í Landsbankadeildinni.

England hefur verið í markmannskrísu undanfarin ár og hefur mér fundist fáránlegt tryggð og trú McLaren á Paul Robinson, þrátt fyrir fáránleg mistök hvað eftir annað, þá var hann með áskrift að landsliðssætinu. Að mínu mati eru bestu ensku markmennirnir David James og Robert Green og þeir eiga að fá tækifæri með Englandi, mun frekar en Almunia.

Almunia til í að spila fyrir England

Athugasemdir

[Reynir Ver (IP-tala skráð) 25.12.2007 kl. 23:48]

Ástæðan fyrir því, að hann er ekki kallaður í landsliðshóp Spánar, er vegna þess að Spánn hefur besta markvörð í heimi, og næst besta markvörð í heimi, í sínum hóp, og jú, hann á allveg erindi í Enska landsliðið.

[Hilmar Þorkelsson, 25.12.2007 kl. 23:57]

England hefur ekki átt góðan markvörð í mörg ár þeir verða að gera

eitthvað í málinu ef þeir ætla sér að gera atlögu að stórum titli. 

Almunia er ekki verri kostur en þeir sem hafa verið að spila að undanförnu.

[Simon (IP-tala skráð) 26.12.2007 kl. 00:05]

Paul Robinson er heimsklassamarkmaður, punktur.

[Mummi Guð, 26.12.2007 kl. 00:13]

Reynir, ég geri mér grein fyrir því að Almunia hefur ekki verið valinn í spænska landsliði vegna þess að Spánverjar hafa mjög góða markmenn, þó ég sé ekki sammála þér að þeir hafa besta og næstbesta markmenn í heimi. En Spánverjar eru eins og Ítalir geta fjöldaframleitt frábæra markmenn.

Hilmar, ég er sammála þér að England hafa ekki átt góða markmenn í mörg eða síðan David Seaman var upp á sitt besta sem var mörgum árum áður en hann hætti að keppa. Ég tel að besti kosturinn fyrir England er James og Green.

Símon, það er alltaf gaman að fá Tottenham menn í heimsókn á síðuna.

En strákar, finnst ykkur frammistaða Almunia í haust vera þess eðlis að hann eigi erindi í enska landsliðið?

[Reynir Ver (IP-tala skráð) 26.12.2007 kl. 00:38]

Hún hefur verið nægilega góð til að hann eigi skilið tækifæri, hann heldur nú þegar aðalmarkverði Þýskalands á bekknum.

Svo nefniru Green og James, flottir markverðir báðir, James verður of gamall fyrir HM2010. En með Green, þá á hann einnig skilið tækifæri, en Almunia er að mínu mati sá betri markvörður og er sá sem á það hvað mest skilið að fá tækifæri í Enska liðinu.

[Maggi (IP-tala skráð) 26.12.2007 kl. 01:58]

Mér finnst bara ekki að Englendingar ættu að hafa Spánverja í markinu. Það bara passar ekki að aðal fótboltaþjóðin sé með útlending í markinu og mér finnst Almunia alveg vera í sama klassa og margir enskir markmenn svo að ég tel að það sé betra að nota Robinson, Green, Carson eða jafnvel sjá hvort að það rætist eitthvað úr Foster. Það er líka hægt að stóla á James í einhver ár í viðbót en mér finnst það alveg úr kortinu að fá Almunia í markið hjá enskum.

 P.s. ég er heitur stuðningsmaður enska landsliðsins.

[Mummi Guð, 26.12.2007 kl. 08:33]

Reynir, það er rétt að Almunia hefur haldið landsliðsmarkmanni Þýskalands á bekknum, en Það að Lehman skuli vera landsliðsmarkmaður Þýskalands er bara brandari. Þar sem Þjóðverjar eiga marga mjög góða markmenn. Það er líka rétt að James verður sennilega of gamall þegar HM2010 verður, en Englendingar þurfá að komast upp úr riðlakeppninni til að geta keppt á HM. Kannski verða Carson og Foster þá tilbúnir fyrir landsliðið, en ég held að hvorugur þeirra sé kominn í landsliðsklassa núna.

Maggi, ef Almunia er nógu góður til að komast í enska landsliðið þá á að velja hann, uppruni á ekki að skipta höfuðmáli. Þetta er að minnsta kosti mitt álit.

Eitt enn. Ég er heitur stuðningsmaður ítalska landsliðsins og oft hlakka yfir mér yfir óförum enskra. Ég mun samt sakna þeirra mikið á EM á næsta ári.

[Arnór (IP-tala skráð) 26.12.2007 kl. 10:08]

er þetta þá orðið svona slæmt hjá Englendingunum, verða að fá Spánverja í landsliðið. Svo kannski einn eða tvo Ítala og nokkra Brazza og landslið Englendinga verðu gjaldgengt á ný ;)

Green er búinn að sýna frábær tilþrif í vetur, miklu meira en Almunia, og því finnst mér þessi umræða skrítinn því ég efast um að hann myndi skipta um ríkisfang fyrir varamarkamannsstöðu. En þegar Wenger talar þá er hlustað..... eðlilega.

[Einar Skaftason., 26.12.2007 kl. 12:37]

Ánægður með þig frændi, auðvitað á að fylla enska liðið af West Ham mönnum en eins og menn  vita þá vann West Ham heimsmeistaratitilinn fyrir England 1966. Hurst með þrennu , Moore fyriliði og Peters kjölfestan á miðjunni. Síðan hefur ekkert gengið...........

[Mummi Guð, 26.12.2007 kl. 21:48]

Einar eru ekki svo margir West Ham menn í liðinu núna að þarf ekki að bæta mörgum við til fylla landsliðið með West Ham mönnum.

Eru ekki John Terry, Frank Lampard, Joe Cole, Rio Ferdinand, Jermain Defoe og Glen Johnson allt West Ham menn?

[Ásgeir Bragason (IP-tala skráð) 27.12.2007 kl. 11:02]

Það virðast allir hér hafa gleymt því að james var settur útúr landsliðinu vegna þess að hann gerði nokkur mistök í röð þegar hann var aðalmarkvörður

[Mummi Guð, 27.12.2007 kl. 21:29]

Það er rétt hjá þér að James missti sæti sitt í enska landsliðinu þegar hann gerði sig sekan um mörg mistök, en mistök hans eru ekki stór miðað við mistökin sem Paul Robinson hefur gert.

Síðan hefur James þroskast mikið sem markmaður síðan hann var að klúðra hlutunum. Er orðinn mun betri markmaður.