Frábær leikur hjá Íslandi.

Það var allt annað að sjá til íslenska liðsins í þessum leik heldur en undanförnum leikjum. Spánverjarnir voru góðir í kvöld, en þeir komust ekkert áfram gegn okkar mönnum. Ísland spilaði frábæran varnarleik og gáfu Spánverjunum aldrei frið svo þeir náðu aldrei að komast inn í leikinn og þegar Ísland fékk boltann þá var spilaður sóknarbolti.

Í síðasta leik á móti Kanada þá voru Kanadamenn slakir og Íslendingar jafnslakir og var sá leikur hundleiðinlegur. Þá vantaði alla baráttu og leikgleði, en hún var til staðar í kvöld og var leikurinn frábær skemmtun. Spánverjarnir náðu að nýta sér smá einbeitningarleysi hjá íslensku strákunum og jafna leikinn, það hefði verið skemmtilegt að vinna Spánverjana úr því við vorum svo stutt frá því en jafntefli er frábær úrslit.

Ég hef ekki verið sáttur við leik íslenska landsliðsins að undanförnu, en ef íslenska liðið heldur áfram að spila eins og þeir gerðu í kvöld þá hlakka ég til næsta leik og greyið Norður-Írar að þurfa að mæta okkur. Áfram Ísland.

Íslendingar og Spánverjar skildu jafnir, 1:1

Athugasemdir

[Úlfar Þór Birgisson Aspar, 9.9.2007 kl. 08:26]

Já Mummi kannski er ráðið að hafa bara ekki Eið með þá verða strákarnir að gera þetta sjálfir.Mér virðist oft við eiga okkar bestu leiki við mjög sterkar þjóðir og þar getur allt gerst,og er þá ekki bara málið að setja í þannig gír að við værum að fara að spila við spánverja eða Frakka í hverjum leik,annars áttum við hreinlega að vinna þennan leik í gær áttum frábæra kafla sem hefðu alveg getað gefið okkur eins og 2 mörk í viðbót.

[Mummi Guð, 9.9.2007 kl. 09:31]

Þetta var góður leikur í gær og þeir sem halda því fram að Ísland hafi náð þessum úrslitum vegna þess að Spánverjarnir voru slakir eru að rugla. Spánverjarnir voru slakir vegna þess að Íslendingarnir gáfu þeim aldrei frið til að spila fótbolta og komast inn í leikinn.

Jolli kann greinilega að halda ræðu yfir leikmönnunum og koma þeim í réttan baráttuhug. Núna er málið að halda haus og spila svona líka á móti Norður-Írum. Þá verður ekkert jafntefli.