Dagurinn í dag.

Í dag var útför Hugins Heiðars gerð frá Keflavíkurkirkju. Athöfnin var mjög falleg og erum við mjög sátt við hana. Að athöfninni lokinni fórum við og ásamt nánustu vinum og vandamönnum í kirkjugarðinn þar sem við kvöddum Hugin í hinsta sinn. Að því loknu fórum við í erfisdrykkju og var mjög gaman að hitta svona marga þar og finna fyrir stuðningnum.

Í kvöld fór ég og Fjóla aftur í kirkjugarðinn og áttum við smástund þar í ró og friði.

Athugasemdir

[Ragnheiður , 2.4.2008 kl. 23:16]

Elskurnar mínar, ég var með ykkur í anda í dag og reyndi af öllum mætti að senda ykkur orku og styrk.

Elsku hjartans góði Huginn, æfin þín var ekki löng en hún snerti við svo ótrúlega mörgum.

Guð geymi Huginn og styðji ykkur áfram veginn

[Áslaug Helga Hálfdánardóttir, 3.4.2008 kl. 07:29]

Elsku fjölskylda, ég hugsa svo mikið til ykkar.  Minningin um fallegan dreng lifir! 

[Rósa Aðalsteinsdóttir, 3.4.2008 kl. 11:34]

Hot Myspace Glitters - Dezrum.com

Elsku fjölskylda.

Ég sendi ykkur mínar dýpstu samúðarkveðjur. Eina huggunin í sorginni er að sonur ykkar er heima hjá Jesú í hinni himnesku Jerúsalem. Seinna fáið þið að hittið  hann hressan og kátan.

Megi almáttugur Guð hugga ykkur í þessar miklu sorg.

Þess óskar Rósa Aðalsteinsdóttir Vopnafirði

Bænirnar mínar: Útg: æskulýðsfélagsstarf Þjóðkirkjunnar.

  

Þegar ég á bágt

 

“Drottinn er minn hirðir, mig mun ekkert bresta.” Sálm. 23:1

 

Drottinn Jesús Kristur.

Stundum varstu einmanna og sorgbitinn, þegar þú gekkst um á jörðinni. Það stendur í Biblíunni að þú hafir grátið, þess vegna skilur þú mig vel. Þú veist hvernig mér líður.

Þakka þér fyrir að ég má tala við þig.

Þakka þér fyrir að þú ert traustasti og besti vinur minn.

 

“Fel Drottni vegu þína og treyst honum, hann mun vel fyrir sjá.” Sálm. 37: 5.

 

Guð, komdu og vertu hjá mér. Enginn skilur mig og enginn kærir sig um mig. Guð þú elskar mig. Þú ert hjá mér þótt ég sjái þig ekki, og þess vegna er ég aldrei einn.

 

“Ég vil kenna þér og fræða þig um veg þann, er þú átt að ganga, ég vil kenna þér ráð, hafa augun á þér.” Sálm. 32: 8.

 

Himneski faðir, þú gefur okkur mismunandi hæfileika. Þú hefur tilgang með lífi mínu. Hjálpaðu mér að finna hann. Þú veist að við verðum svo oft öfundsjúk. Sumir geta meira en ég, og aðrir eru betur gefnir.

Hjálpaðu mér að skilja að ég get ekki allt, og að það er gott að aðrir geta það sem ég get ekki.

 

“Því að svo elskaði Guð heiminn, að hann gaf son sinn eingetinn, til þess að hver, sem á hann trúir, glatist ekki, heldur hafi eilíft líf.” Jóh. 3: 16.

 

Drottinn Jesús Kristur.

Þú barst vonsku og reiði allra manna þegar þú dóst á krossinum. Þú veist að ég vil alltaf vera glöð og vingjarnleg, en stundum er ég stríðin  og afundin.

Drottinn fyrirgef mér, þegar ég er vond. Gef mér brot af þínum mikla kærleika.

 

“Hjarta yðar skelfist ekki, trúið á Guð og trúið á mig.” Jóh. 14: 1.

 

Guð, ég er hræddur, það er svo dimmt, og í myrkrinu eru svo margir skugga. En þú Drottinn ert sterkari en allt það sem er hættulegt. Þú hefur sagt að þú elskir mig.

Láttu mig finna að þú ert hjá mér.

 

“Varpa allri áhyggju yðar upp á hann, því að hann ber umhyggju fyrir yður.” 1. Pét. 5: 7.

 

Guð, ég þakka þér að í þínum höndum er bæði líf og dauði. Þú annast um okkur í lífinu, og þú annast líka um okkur þegar við deyjum. Ég bið þig, leyfðu ......., sem er farinn frá okkur að vera hjá þér um alla eilífð, svo að við getum glaðst þó að við séum sorgmædd.

 

“Sannlega segi ég yður, svo framarlega sem þér hafið gjört þetta einum þessara minna minnstu bræðra, þá hafið þér gjört mér það.” Matt. 25: 40.

Guð, líttu til allra sem eiga hvorki mat né föt, heimili, heilsu né krafta. Gefðu þeim visku sem stjórna þjóðunum, svo að þeir finni leiðir til þess að lina þjáningar heimsins.

Styrktu alla sem vinna að því að hjálpa þeim sem þjást.

Kenndu mér að hjálpa þeim, sem þurfa á hjálp að halda.

[Guðríður Haraldsdóttir, 3.4.2008 kl. 18:17]

Hugur minn var hjá ykkur, elsku Mummi. Ég las minningargreinarnar um Hugin í gærkvöldi og þær voru svo fallegar. Sendi ykkur innilegar stuðningskveðjur í Keflavíkina. Knúsaðu Fjólu frá mér.

[Margrét Össurardóttir (IP-tala skráð) 3.4.2008 kl. 21:07]

Mikið hugsaði ég til ykkar í gær, minning um fallega hetju lifir um ókomin ár. Guð blessi fjölskyldu ykkar og Hugin Heiðar -

[Vally (IP-tala skráð) 4.4.2008 kl. 00:40]

Kæra fjölskylda

Hlýjar kveðjur og Guð blessi ykkur og litla engilin ykkar

Vally

[Hallgrímur Guðmundsson, 4.4.2008 kl. 20:36]

Kæra fjölskylda

 Guð blessi ykkur og litlu hetjuna ykkar sem er svo sárt saknað.

[Úlfar Þór Birgisson Aspar, 4.4.2008 kl. 21:40]

Mummi þú fyrirgefur mér,það er búið að taka mig 3 daga að reyna orða eitthvað sem gæti sagt eitthvað við þig sem myndi hjálpa.

En stundum eru orð óþörf því ég veit að þú skilur hvað ég meina veri guð með ykkur kæra fjölskylda þinn vinur Úlli.

[Halla Rut , 4.4.2008 kl. 22:04]

Mínar bestu kveðjur til ykkar.