Mike Smith látinn.

Á fimmtudaginn síðastliðinn lést breski tónlistarmaðurinn Mike Smith 64 ára að aldri. Mike er þekktastur fyrir að hafa verið aðalsöngvari hljómsveitarinnar Dave Clark Five á meðan hljómsveitin starfaði á árunum 1957-1970. Dave Clark Five var talin aðalkeppinautur Bítlana um hylli unga fólksins þar til að Rolling Stones kom á sjónarsviðið, þegar Bítlarnir slógu í gegn þá fylgdi Dave Clark Five þeim eins og skugginn og komust í 6 sæti bandaríska vinsældarlistans með þekktasta lagi sínu, Glad All Over árið 1964 og í kjölfarið fylgdu mörg lög inn á bandaríska vinsældarlistann. Í desember 1965 komst lagið Over And Over í efsta sæti bandaríska vinsældarlistans.

Eftir að Dave Clark Five lagði upp laupana þá byrjaði Mike Smith að starfa sem lagahöfundur og útgefandi. Hann flutti til Spánar seint á tíunda áratuginum og stofnaði þar hljómsveit ásamt fjórum öðrum tónlistarmönnum sem höfðu sömu áhugamál og Mike, það er að spila vegna ánægjunnar. Mike til mikillar furðu þá komst hann að því að hann átti marga aðdáendur og vakti nýja hljómsveitin hans mikla athygli. Í júlí 2003 missti Mike son sinn í slysi þar sem hann var æfa sig í dýfingum og hafði dauði sonarins gríðarleg áhrif á Mike. Einungis tveim mánuðum síðar slasaðist Mike alvarlega þegar hann féll á heimili sínu og hlaut hann varanlegan mænuskaða og lamaðist fyrir neðan mitti, hann gat ekkert beitt hægri hendinni eftir slysið og hafði lítinn mátt í þeirri vinstri. Eftir 4 ára baráttu var Mike loks útskrifaður af sjúkrahúsi á 64 ára afmælisdeginum sínum 6.desember síðastliðnum. Hann lést síðan 28. febrúar 2008 vegna lungnabólgu og má rekja dauða hans til slyssins í september 2003.

Mike Smith lést einungis 11 dögum áður en það átti að taka hann formlega inn í Rock And Roll Hall Of Fame.

Lagið Glad All Over er vinsælasta lag Dave Clark Five. Á sjöunda áratuginum gerðu stuðningsmenn Crystal Palace lagið að sínu stuðningsmannalagi og þó að aðrir stuðningsmenn hafa reynt að gera lagið að sínu, þá er lagið eins samofið Crystal Palace og You'll Never Walk Alone er Liverpool.

Glad All Over, myndskreytt af stuðningsmönnum Crystal Palace.

Athugasemdir

[Njáll (IP-tala skráð) 1.3.2008 kl. 14:15]

Leitt að heyra að hann sé látinn. 

En Mummi tekur þú alltaf lagið áður en þú horfir á Palace leik?

[Fjóla Æ., 1.3.2008 kl. 15:28]

Njáll- Já hann tekur alltaf lagið fyrir leik hjá Palace, hvort sem hann sér leikinn eða ekki. Þetta lag er líka mikið í spilun þess á milli.

[Ragnheiður , 1.3.2008 kl. 18:03]

Er þetta lagið Mummi ?

Fann sko ekki neitt á youtube og svo bilaði flash playerinn í tölvunni minni, varð að setja hann upp að nýju...á ég ekki bágt ?

Svo var ég líka að taka til og það truflaði mig hehe

[Mummi Guð, 1.3.2008 kl. 18:36]

Þetta er lagið Glad All Over. Lag Crystal Palace.

Njáll ég verð að viðurkenna að ég hlusta töluvert á lagið þessa dagana, enda má ég ekki klikka á textanum eftir rúman mánuð, þegar ég verð á Selhurst Park að hvetja mína menn.