Knattspyrnan vann.

Ég er sáttur við þýska stálið í kvöld, þeir unnu verðskuldaðann sigur á Portúgölum 3-2. Þjóðverjarnir sýndu það enn einu sinni að það er ekki nóg að vera flinkur með fótboltann til að vinna stórmót, menn verða að kunna að vinna og vita hvað þarf að gera til að vinna leiki og það kunna Þjóðverjarnir.

Ég hef fulla trú á mínum mönnum í Ítalíu, en þeir eiga það sameiginlegt með Þjóðverjum og Hollendingum að þeir kunna að vinna þá leiki sem þeir þurfa að vinna, þess vegna spáði ég því fyrir móti að eitthvað að þessum þremur liðum munu verða Evrópumeistarar og ég stend við þá spá.

Þjóðverjar í undanúrslit eftir 3:2-sigur

Hæ-hó-jibbí-jei. Til hamingju með Þjóðhátíðardaginn.

Hæ-hó-jibbí-jei það er kominn 17. júní. Ég vil óska öllum Íslendingum gleðilegs þjóðhátíðardags og vona að allir muni eiga yndislegan dag, hvort sem þeir eru menn eða ísbirnir.

Til að koma sem flestum í þjóðhátíðarstuð, þá hef ég sett inn hér til hliðar tónlistarspilara, þar sem hægt er að hlusta á lagið 17. júní með Dúmbó og Steina.

Afmælisbarn dagsins: -Natan Freyr.

Afmælisbarn dagsins er stóri strákurinn minn hann Natan Freyr. Natan Freyr fæddist 13. júní 1989 er því 19 ára í dag, föstudaginn 13. júní. Það eru margir sem finnst 13 vera óhappatala, en 13 júní er ekki óhappadagurinn minn það er víst.

Fyrir þá ofurhjátrúafullu þá má segja frá því að kvikmyndin föstudagurinn þrettándi sem var gerð árið 1980 og er ein af ástæðunum fyrir hinni lífseigu sögu að föstudagurinn þrettándi sé einhver ógæfudagur, að kvikmyndin á að gerast á föstudeginum 13. júní.

Til hamingju með daginn Natan!

Skagamenn hættir að koma manni á óvart.

Það er ljóst að gullaldartímabil ÍA er löngu liðið, Skagaliðið sem var þekkt fyrir skemmtilega knattspyrnu og leikgleði má muna fífil sinn fegri. Í dag er Skagaliðið þekkt fyrst og fremst fyrir óheiðarleika og svindl og þessi dómur í dag er enn ein staðfestingin á því að það þarf að taka alvarlega til hjá knattspyrnudeildinni. Vegna þess að oft er talað um að íþróttafélög eru merki bæjarins og þess vegna leggja mörg bæjarfélög mikið upp úr íþróttaiðkun. Á Akranesi er þetta öðruvísi farið, íþróttafélag bæjarins er að koma ljótu orði á bæjarfélagið með alls konar óheiðarlegum vinnubrögðum.

Í fyrra fengu Skagamenn ávítur fyrir að leika óheiðarlega knattspyrnu frá KSÍ og fyrir viku fengu Skagamenn sekt fyrir ótrúleg ummæli í garð dómara, ummæli sem eiga ekkert skylt við íþróttir og íþróttaandann. Álíta Skagamenn að það sé verið að leggja sig í einelti og saka þeir KSÍ og dómara um óheiðarleika gagnvart þeim. Þar sannast máltækið að sá er sannleikanum sárreiðastur.

Það að nokkurt lið skuli gera sig seka um að tefla fram ólöglegum leikmanni er ótrúlegt og ekkert nema svindl. Mér finnst umræddur þjálfari Haraldur S. Magnússon (sem varð landsfrægur þegar hann tók þátt í Ástarfleyinu á Skjá einum á sínum tíma) fá sanngjarnan dóm og sama með leikmanninn. Þó þjálfarinn hafi verið að reyna að vernda leikmanninn í dag og segja að hún hafi ekki vitað að hún væri að spila niður fyrir sig, er það bara niðurlægjandi yfirklór. Leikmaðurinn Karitas Hrafns Elvarsdóttir er 20 ára gömul og ætti að gera sér grein fyrir því þegar hún mætir í leikinn að hún er að spila með yngri leikmönnum. Ég held að það væri best fyrir leikmanninn og þjálfarann að biðja íslenska knattspyrnu afsökunar á óheiðarleika sínum og þá væru þau meiri menn fyrir vikið. Það er nefnilega ágætt að taka ábyrgð á gerðum sínum.

Mér finnst leiðinlegt hvernig knattspyrnudeild Akranes eru búnir að draga nafn bæjarfélagsins niður í svaðið. Ég þekki marga góða Skagamenn og eiga þeir það flestir sameiginlegt að koma ekki nálægt fótboltanum. Þessi færsla mín er beint gegn þeim sem stjórna knattspyrnumálunum á Akranesi, en ekki almennum íbúum, ég get nefnilega gert greinarmun á þessu tvennu.

Þjálfari og leikmaður ÍA í löng keppnisbönn

Afmælisbarn dagsins. -Mathias Rust.

Afmælisbarn dagsins að þessu sinni er þýski flugmaðurinn eða hvað sem á að kalla hann, Mathias Rust. Mathias fæddist í Vestur-Þýskalandi 6 júní 1968 og er því 40 ára í dag.

Mathias varð heimsfrægur þann 28. maí 1987 þegar hann lenti flugvél sinni á Rauða Torginu í Moskvu, á þeim tíma var kaldastríðið í hámarki og þótti ótrúlegt að Mathias skyldi geta flogið alla leið til Moskvu og lent eins og ekkert væri einfaldara á Rauða Torginu, einum helgasta stað kommúnista í Sovétríkjunum.

Ferðalag Mathiasar hófst í Uetersen í Þýskalandi þar sem hann tók flugvélina á leigu, að morgni 28. maí lagði Mathias af stað í flugið fræga frá Helsinki-Malmi flugvellinum í Finnlandi eftir að hafa fyllt vélina af eldsneyti. Hann tilkynnti flugumferðarstjórn að hann ætlaði að fljúga til Stokkhólms, en fljótlega eftir flugtak breytti hann um stefnu og flaug til austurs yfir Eystrasaltið í átt til Eistlands, fljótlega eftir það rofnaði samband við flugvélina og var talið að hún hefði farið í sjóinn og var gerð umfangsmikil leit að vélinni, en á sama tíma hélt Mathias fluginu áfram og lenti hann síðan á Vasilevsky Spusk við St. Basil kirkjuna, eftir lendinguna keyrði hann vélinni í átt að sjálfu Rauða Torginu og stöðvaði í um 100 metra fjarlægð frá því og þar var hann handtekinn.

Mathias Rust var dæmdur í 4 ára fangelsi og sat hann inni í Lefortovo fangelsinu í Moskvu í 432 daga, þá var hann leystur úr haldið og sendur til Þýskalands.

Matthias Rust komst aftur í heimsfréttirnar árið 1991, þegar hann réðist á samstarfskonu sína sem vildi ekki taka upp ástarsamband við hann. Mathias stakk hana með hnífi og sat hann inni fyrir þá árás í tvö og hálft ár.

Af Mathias er það að frétta að hann býr núna í Berlin með seinni eiginkonu sinni Athenu. Litlar fréttir hafa annars borist af Mathias, en hans verður alltaf minnst sem unglingsins sem niðurlægði sovéska herinn og gerði lítið úr loftvörnum Sovétríkjanna.

Ekki er mannorð dómarans hátt metið.

Ekki metur KSÍ mikið mannorð Ólafs Ragnarssonar dómara, Guðjón Þórðarson fékk bara eins leiks bann og 20.000 króna sekt fyrir draga nafn Ólafs niður í svaðið. Ekki nóg með að Guðjón sakaði Ólaf um hlutdrægni, heldur sakaði hann Ólaf um að beita Stefán Þórðarson ofbeldi.  Guðjón var froðufellandi í umræddu viðtali og er það kannski ástæðan fyrir því af hverju KSÍ þorði ekki að dæma hann í þyngri refsingu.

Ég er viss um að Guðjón er sáttur við þennan dóm, enda hef ég enga trú á að þessi ummæli hafi ekki verið ákveðin fyrirfram. Með þessari umræðu náði Guðjón að draga athyglina frá slöku gengi sinna manna og hann nær að kenna dómaranum um hið slaka árangri Skagamanna og notar síðan umræðuna til að pempa upp mannskapinn sinn. Mér finnst atburðarásin í kringum þetta Guðjónsmál er keimlíkt Guðjónsmálinu í fyrra þegar Skagamenn beittu fáheyrðum óheiðarleika í leik gegn Keflavík og tókst einhvern veginn að gera Ía að fórnarlambi í málinu. Líkt og í fyrra, þá eru Skagamenn orðnir að fórnarlambi í ráðabruggi dómara og núna er það Ólafur Ragnarsson dómari orðinn vondi karlinn.

Ég var á umræddum leik og ég get staðfest það að Ólafur dæmdi leikinn vel. Auðvitað gerði hann nokkur mistök eins og oft verða, en mistökin voru á báða bóga og komu ekki verr niður á Skagamönnum frekar en Keflavík. Það sem meira er þá voru bæði gulu spjöldin sem Stefán fékk hárrétt, það getur enginn mótmælt fyrra spjaldinu, svo ljótt var brotið. Það sem eftir lifði leiks var Stefán brjótandi af sér sí og æ og tuðaði þess á milli í dómaranum. Var það umtalað í stúkunni að það væri bara tímaspursmál hvenær Stefán fengi aftur gult spjald og hann fékk það að lokum réttilega fyrir ljótt brot.

Guðjón í eins leiks bann

Pólverjar og ölvunarakstur.

Enn einu sinni verða ölvaðir pólskir ökumenn valdir að umferðaróhöppum á Suðurnesjum. Þessir umræddir aðilar sem hafa keyrt út af á Vatnsleysuströndinni í gærkvöldi viðurkenna auðvitað ekki að hafa keyrt bílnum, þar sem þeir vita að það dugar að neita öllu til að sleppa við dóm. Sem betur fer urðu þeir ekki valdir að neinu stórslysi eða dauða saklausra vegfarenda eins og gerst hefur áður.

Í gærdag ók ölvaður Pólverji aftan á bíl á Hafnargötunni í Keflavík og eins og þeim er einum lagið hljóp hann af vettvangi, en sem betur fer náðist hann nokkrum klukkustundum síðar og mun væntanlega neita öllu og sleppa við dóm. Það er annað umhugsunarvert sem gerðist í því óhappi. Hinn drukkni Pólverji ók bíl merktum vinnumiðluninni Voot, en það fyrirtæki hefur verið ansi öflugt á að útvega íslenskum fyrirtækjum erlenda starfsmenn.

Ætli fyrirtæki eins og Voot leggi enga áherslu á að kanna bakgrunn starfsmanna sinna eða að uppfræða þá um íslensk lög, heldur leyfi þeim að rúnta á fyrirtækjabílunum sínum um þjóðvegi landsins undir áhrifum áfengis.

Ég læt hérna inn mynd af bílnum lenti í árekstrinum á Hafnargötunni í gær. Stækkið myndina og takið sérstaklega eftir hvað stendur á stuðaranum á bílnum og hvað stendur á girðingunni þar sem bíllinn var lagður við. Dálítið kaldhæðið.

Ölvaðir úti að aka

Hversu mikla þolinmæði hefur flokkurinn gagnvart Vilhjálmi?

Þessar tölur koma mér og örugglega engum öðrum, nema kannski Vilhjálmi á óvart. Ég bloggaði einhvern tíma í vetur að eina ráðið fyrir Sjálfstæðisflokkinn til að bjarga andlitinu í Reykjavík, væri að semja við Samfylkinguna um samstarf í Reykjavík og ég lagði meira að segja til að Geir og Ingibjörg myndi sjálf sjá um meirihlutaviðræðurnar og Dagur yrði borgarstjórinn. Það er nefnilegur hagur Sjálfstæðisflokksins eins og það hljómar asnalega að Dagur verði borgarstjóri og ástæðan er sú að Sjálfstæðisflokkurinn hefur engan hæfan mann til að taka við borginni eins og staðan er í dag. Vissulega eru örugglega einhverjir sem myndi nefna Hönnu, Gísla eða Júlíus, en ef einhver af þeim yrði valin núna til að taka við borgarstjórastólnum þá myndi það leiða til óánægju hjá hinum sem myndi jafnvel leiða til leiðinda og verra umtals, sem Sjálfstæðisflokkurinn hefur ekki gott af. Svo maður tali ekki um það að fólk er orðið þreytt á eilífum borgarstjóraskiptum. Ég held að enginn vilji að Vilhjálmur taki við borgarstjórastólnum aftur. Hvorki sjálfstæðismenn né aðrir, hann hefur hreinlega ekki kollinn í lagi til að höndla þessa stöðu.

Fylgi D-lista aldrei minna

Eðlileg niðurstaða hjá dómstólnum.

Mér finnst þetta fullkomlega eðlileg niðurstaða hjá dómnum. Þau giftu sig eftir að hún hafði fullvissað karlinn um að hún væri hrein mey, en hún laug og þess vegna finnst mér eðlilegt að hjónabandið hafi verið ógilt. Það er nefnilega ekki gott að hefja samband á lygum eins og þessi kona virðist hafa gert.

Auðvitað finnst mér þetta fáránleg ástæða til að krefjast ógildingu á hjónabandi og einhvern veginn set ég spurningamerki við hvernig honum tókst að sanna fyrir dómstólnum að hún væri ekki hrein mey. En aðalatriðið er að hún laug að tilvonandi eiginmanni og plataði hann í hjónaband á fölskum forsendum og þess vegna er átti að ógilda hjónabandið.

Hjónaband ógilt í Frakklandi vegna ósannsögli um meydóm

Heitasta einhleypa konungsborna fólkið.

Í dag hafa fréttir af jarðskjálfta riðið yfir landið svo ég ætla að koma með smá fræðandi blogg fyrir alla þá sem hafa áhuga á þeim konungsbornu. Tímaritið Forbes birti nefnilega í dag lista yfir heitustu konungsborna fólkið sem er á lausu. Það sem kemur einna mest á óvart þegar listinn er lesinn að meðlimir breska konungsveldisins skipa 4 efstu sætin, það hefur nefnilega þannig að það er sjaldan talað um heitt fólk og Breta í sömu setningunni. Listinn er annars þannig:

1. William Prins, 26 ára. Eldri sonur Karls bretaprins og Díönu prinsessu. Hann er eðlilega efstur á listanum þar sem hann mun verða næsti konungur Englands (það býst enginn við að Karl fái einhvern tímann að stjórna heimsveldinu).

2. Harry Prins, 24 ára. Yngri sonur Karls og Díönu, hann er væntanlega á listanum vegna þess að hann fær krúnuna ef eitthvað kemur fyrir William.

3. Zara Phillips. 27 ára dóttir Önnu prinsessu og barnabarn Elísabetar Englandsdrottingar.

4. Beatrice prinsessa. 20 ára dóttir Andrews prins og Söruh Feguson.

5. Charlotte Casiraghi. 22 ára, dóttir Caroline prinsessu af Mónakó.

6. Sheikh Hamdan bin Mohammed bin Rashid al Maktoum. Sonur Sheikh Mohammed bin Rashid al Moktoum, forsætisráðherra og varaforseta Sameinuðu Arabísku Furstadæmisins.

7. Victoria prinsessa. 31 árs, krónprinsessa Svíþjóðar.

8. Azim prins. 25 ára prins frá Brunei.

9. Carl Phillip prins. 29 ára sonur Karls Gústafs Svíakonungs.

10. Andrea Casiraghi. 24 ára, elsti sonur Caroline prinsessu af Mónakó.

11. Albert II prins. 25 ára prins af Thum og Taxis.

12. Madeline prinsessa. Sænsk prinsessa.

13. Theodora prinsessa. 25 ára dóttir Constantine fyrrverandi konungs Grikklands.

14. Wenzeslaus. 33 ára prins af Liechtenstein.

15. Tsuguku prinsessa. 22 ára japönsku prinsessa, dóttir Takamado prins.

16. Sirivannavari prinsessa. Dóttir Maha Vajiralongkorn krónprinsins af Tælandi.

17. Sheikha Maitha bint Mohammed bin Rashid al Maktoum. Oft kölluð karate-prinsessan vegna hæfileika sinna í karate, en hún vann meðal annars til silfurverðlauna á Asíuleikunum í karate 2006. Hún er 27 ára frá Dubai.

18. Iman bint Al Hussein prinsessa. 24 ára dóttir Hussein konungs og Noor drottningar í Jórdaníu.

19. Philioppos prins. 22 ára sonur Constantine fyrrverandi konungs Grikklands.

20. Sikhanyiso prinsessa, dóttir Mswati III konungs Swasilands.