Er búið að blanda skít í KR-salatið?

Guðjón Þórðarson sagði það í viðtali að ekki er hægt að gera kjúklingasalat úr kjúklingaskít þegar hann var spurður af hverju hann hefði ekki náð betri árangri með ÍA liðið. Í ÍA liðinu voru 3 synir Guðjóns og er ótrúlegt að faðir líkir sonum sínum við kjúklingaskít.

Bjarni Guðjónsson sonur Guðjóns er einn af leikmönnunum og eftir að Guðjón var rekinn frá ÍA keypti KR hann, af hverju skilur enginn. Bjarni var góður leikmaður en hefur gjörsamlega ekkert getað í sumar og það að hann sé fyrrverandi góður leikmaður virðist vera næg ástæða fyrir KR til að kaupa hann, þrátt fyrir að hafa engin not fyrir hann. Ég hef heldur ekki skilið það þegar stóru liðin eru alltaf að kaupa bestu leikmennina í lélegustu liðunum, en svona eru bara sumir.

Eftir leik dagsins, þá dettur mér í hug hvort þetta sé rétt samlíking hjá Guðjóni með kjúklingasalatið og kjúklingaskítinn. Er Logi Ólafsson búinn að eyðileggja KR-salatið sem hann hefur verið að útbúa undanfarna mánuði með því að blanda skít í það?


mbl.is Enn einn sigur FH á KR í Vesturbænum
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Guðjón er ekki manna orðfegurstur og verður líklega aldrei, líklega er hann auðvitað bara skítsvekktur og drullar venjulegast yfir þá sem honum líkar ekki. Erfitt að vera atvinnulaus líka.

Margrét Össurardóttir (IP-tala skráð) 10.8.2008 kl. 23:18

2 Smámynd: Mummi Guð

Eitt er víst að Guðjón er snillingur í að kenna öðrum um eigin ófarir. Það skiptir litlu máli hvað hann gerir af sér eða hversu illa hann starfar, það er alltaf einhverjum öðrum að kenna.

Mummi Guð, 10.8.2008 kl. 23:22

3 Smámynd: Himmalingur

Er kjúklingaskíturinn ekki frá honum kominn? Típískur Guðjón: Afneitar eiginn skít!

Himmalingur, 10.8.2008 kl. 23:38

4 identicon

Sæll,

Vissulega hefur Guðjón sagt marga sérstaka hluti í sumar og er kjúklingaskíturinn þar meðtalinn. Hann hefur farið svolítið offari í fjölmiðlum sem mér hefur fundist dapurt. Það hefur sett svolítið leiðinlegan svip á hans ímynd.

En það má ekki bara einblína á það neikvæða í honum. Þrátt fyrir dapran árangur í sumar má ekki gleyma að hann náði 3. sæti í fyrra með sama mannskap og er núna.  Fólk þarf að vakna og sjá hvaða record maðurinn hefur. Margfaldur íslandsmeistari, bikarmeistari, besti árangur Íslands frá upphafi, Stoke and etc. Tel þennan mann ennþá vera þann hæfasta sem við Íslendingar eigum - og hef trú á hann muni koma sterkur til baka, sem hann mun klárlega gera og troða uppí andlitið á efasemdarmönnunum.

Davíð Már Kristinsson (IP-tala skráð) 10.8.2008 kl. 23:58

5 Smámynd: Mummi Guð

Davíð. Hvað hefur Guðjón afrekað síðan hann var rekinn frá Stoke fyrir 6 árum? Hann VAR frábær þjálfari, en hans tími er bara liðinn.

Ef svo ótrúlega vill til að Guðjón kæmi til baka þá þyrfti hann fyrst að fara á námskeið í mannlegum samskiptum og hann þarf líka að læra að bera smá ábyrgð. Það er nefnilega verið ótrúlegt að horfa upp á þennan mann með sínar yfirlýsingar þar sem hann kennir alltaf einhverjum öðrum um það sem miður fer hjá honum og liðinu hans.

Mummi Guð, 11.8.2008 kl. 00:08

6 Smámynd: Himmalingur

Sammála Mumma! Toppstykkið hjá karlinum er að bila alltaf meira og meira! Spurning um innlögn og sálfræðimeðferð!

Himmalingur, 11.8.2008 kl. 00:13

7 identicon

fannst nú svolítið ljótt á leiknum í gær að stuðningsmenn FH hafi kallað Bjarni kjúklingaskítur. Ég  þegar að Guðjón sagði þetta í þessu viðtali, fannst samlíkingin frekar fyndin. En mér finnst synir hans búnir að þola meira en nóg frá þessum klikk kalli og þurfa síðan  að sitja undir svona hrópum frá stuðningsmönnum annara liða. Það fannst mér ljótt.

Fríða K (IP-tala skráð) 11.8.2008 kl. 07:57

8 identicon

ég hló þegar að Guðjón sagði þetta á að standa þarna

Fríða K (IP-tala skráð) 11.8.2008 kl. 07:58

9 Smámynd: Ragnheiður

Hann hefur þá sjálfur gefið ansi mikinn höggstað á sínum strákum, það er sorgleg niðurstaða. Hann virðist aldrei getað tekið sjálfur neinum afleiðingum gjörða sinna, það skal alltaf vera öðrum að kenna. Í mínum huga er það eina leiðin til að þroskast ekki, læra ekki.

Hann á að fara út aftur. Hann er orðinn of umdeildur til að virka hér á landi.

Ragnheiður , 11.8.2008 kl. 12:05

10 Smámynd: Mummi Guð

Fríða, það er voða slæmt þegar börnin þurfa að þola margt slæmt fyrir að vera synir einhvers. Eflaust eiga Þórður, Jóhannes Karl og Atli og eflaust einhverjir fleiri synir Guðjóns erfitt. En ég held að Bjarni sé ekki einn af þeim. Hann er sami karakterinn og karlinn, kennir öðrum um allt sem miður fer og leikur síðan sjálfan sig sem eitthvað fórnarlamb. Eftir að hann fór til KR sagði hann að það hafi farið af stað atburðarás sem höfðu neitt hann til að fara frá Akranesi og hann hefði engu um það ráðið! Þar með er hann búinn að gera sig að fórnarlambi.

Bjarni var fyrirliði Akranes og fyrirliðinn er eins og skipstjóri á skipi og núna þegar skagaskútan er komin að því að sökkva, þá er það skipstjórinn sem yfirgefur skútuna fyrstur og það ber ekki merki um mikinn eða merkilegan mann. Aftur á móti er það rétt hjá þér að það er ekki fallegt að gera hróp að mönnum með niðrandi orðum, en flestir menn skapa sitt orðspor.

Bukollabaular, eflaust er einhverjir að sonum Guðjóns hetjur, ég þekki það ekki. En ekki er hann Bjarni hetja, kemur varla fram í sjónvarpi nema hafa pabba sinn til að halda í höndina á sér.

Mummi Guð, 12.8.2008 kl. 00:21

11 Smámynd: Ragnheiður

Mér finnst þessi frammíköll á leikjum ömurleg. Mér finnst líka leiðinlegt að á strákum Guðjóns bitni framkoma kallsins. Ég veit hvernig það er að vera dæmd af fortíð foreldranna án þess að ég vilji fara nánar út í það. En ég get þó sagt að það er vont.

Ragnheiður , 12.8.2008 kl. 11:41

12 identicon

Alveg sammála þér Mummi. Ég vildi ekki sjá hann í KR en það er kannski aðrar ástæður fyrir því hjá mér. En mér fannst þessi ákvörðun hans að yfirgefa félagið á svona stundu til skammar. (allt annað ef að hann væri að fara út í atvinnumennsku, en til liðs í sömu deild, það er skömm af því)

Fríða K (IP-tala skráð) 12.8.2008 kl. 16:15

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband