Stoke er djók.

Ég er sáttur við mína menn, þeir burstuðu villimennina í Burnley 5-0 og gulltryggðu sæti sitt í umspilinu og þar mun Palace mæta Bristol City.

West Brom var algjört yfirburðalið í fyrstu deildinni og komst verðskuldað upp í úrvalsdeildina. Því miður get ég ekki sagt það sama um Stoke, þeir hafa ekki sýnt neitt í þeim leikjum sem ég hef séð með þeim í vetur og þeir eru nokkrir. Leikkerfi Stoke byggist upp á hinum gamla og sígilda leikkerfi Kick&Run. Þar sem þeir eru með öfluga varnarmenn sem geta sparkað fast og langt og eru síðan með sterka sóknarmenn sem geta hlaupið hratt. Þetta kerfi gekk upp hjá þeim í vetur (því miður). En Guð minn góður ef Stoke mun ekki styrkja sig verulega, þá munu þeir fara aftur niður með stæl næsta vor. Ég er að segja Stoke liðið er mun slakara lið en Derby var í fyrra.

Þessir sóknarmenn Stoke munu ekki eiga neitt erindi í Úrvalsdeildina og þetta Kick&Run kerfi mun aldrei ganga upp gegn sterkum liðum. Ég óska stuðningsmönnum Stoke til hamingju með úrvalsdeildarsætið, en Tony Pulis þarf að vera duglegur að kaupa leikmenn í sumar ef hann ætlar ekki að enda næsta tímabil með 11 stig eða minna. Eins og liðið er í dag, þá er Stoke djók.

WBA og Stoke City í úrvalsdeildina

Athugasemdir

[Marinó G. Njálsson, 4.5.2008 kl. 16:16]

West Brom yfirburðarlið!  Og Stoke byggir á Kick&Run.  Það er greinilegt að þú hefur ekki verið að fylgjast með þessum tveimur liðum í vetur.  WBA var utan tveggja efstu lengst af síðustu vikurnar og slapp bara inn af því að Stoke og Bristol City fóru á taugum.  Stoke hefur verið að ná þessum árangri vegna þess að liðið er með sterkustu miðju í Coca-Cola deildinni, einn flottasta framhverjann og bestu miðherjana.   

Hvernig getur yfirburðarlið tapað 11 leikjum?  West Brom tapaði 1-4 fyrir Leicester á heimavelli og gerði jafntefli við Southampton.  Liðið þurfti tvö mörk í uppbótatíma til að vinna neðsta liðið Colchester 4-3.  Ég sé ekki að þetta sé yfirburðarlið.  Stoke tapaði fæstum leikjum í deildinni eða 9 og var það lið sem oftast kom til baka eftir að hafa lent undir.  Vissulega er West Brom gott lið, en það er m.a. sett saman af eldri leikmönnum sem verða ekkert betri með aldrinu.

En varðandi þitt lið, þá spái ég því að Palace fari upp eftir sigur á Hull á Wembley. 

[Mummi Guð, 4.5.2008 kl. 16:29]

Mitt mat er að WBA hafi verið með langbesta liðið í deildinni og efaðist aldrei um að þeir myndu ekki fara upp. Samt voru þeir að ströggla og voru að tapa stigum á móti slökum liðum og vissulega er það merki um veikleika. En þegar WBA náði að spila eins og þeir geta best, þá átti ekkert lið í fyrstu deildinni möguleika í þá. Það er rétt að Stoke tapaði fæstum leikjum, en WBA vann flesta leiki.

Síðan má líka skoða aðrar tölur. Markahlutfall WBA er 33 mörk í plús, næsta lið er Hull með 18 mörk í plús og Palace með 16 mörk. Bristol City sem endaði í 4 sæti var bara með 1 mark í plús.

Ég ætla ekki að fara að rífast við þig, enda engin ástæða til þess. Það sem ég vil árétta er að ég tel WBA eiga fullt erindi í efstu deild, en ég held að hin tvö liðin sem fara upp eigi ekkert erindi í efstu deild, nema að styrkja sig verulega. Það er Stoke og vonandi Crystal Palace.

Marinó, ertu Stoke-maður?

[Marinó G. Njálsson, 4.5.2008 kl. 16:39]

Já, ég er búinn að halda með Stoke af og til síðan að Gordon Banks var hetjan mín fyrir langa löngu, þó svo að ég hafi misst áhugann á þeim um tíma.

[Úlfar Þór Birgisson Aspar, 4.5.2008 kl. 20:18]

Jæja Mummi þá er 1 áfanga lokið með 5-0 sigri í dag,svo verða C.P að halda rétt á spilum og klára sitt og þá mætast C.P og Aston Villa á næstu season og þú veist hvar minn hugur býr(jú jú það er krimma og stálborgin Birmingham)enda býr mar sjálfur í hálgerðu slömmi hérna á Reykjanesinu.